Este xoves estarán desde ás 10 en Foz no Centro de Saúde
A Mariña, mércores 5 de xaneiro 2022. Ao longo da mañá do mércores 4 de xaneiro toda a veciñanza de Ribadeo tivemos ocasión de mostrarmos o noso apoio á sanidade pública reclamando unhas prestacións sanitarias de calidade coas que se pense máis na xente que en intereses espurios do gran capital que lle botou o ollo ao sistema sanitario público.
A situación da atención sanitaria en Ribadeo non mellorou. Levamos máis de un ano co cadro médico do centro de saúde mermado, nunca completándose máis dos dous tercios. Nos últimos días do ano repetiuse a situación do verán: tres médicas para a atención xeral, a da mañá. A isto hai que engadir que desde a xubilación da matrona, este posto só está cuberto algún día da semana.
O BNG sempre defendeu a sanidade pública. Desde Ribadeo, a nosa organización tense sumado ás iniciativas encamiñadas a defendela e reivindicou en varias ocasións a potenciación do sistema sanitario galego. E neste mércores solicitámos a todos os veciños e veciñas a súa sinatura en apoio da ILP que impulsou a plataforma SOS-Sanidade Pública e a Plataforma en Defensa da Sanidade Pública da Mariña, para recuperar e afortalar a atención primaria.
Cremos que a sanidade pública deféndese proporcionando ao seu persoal medios suficientes para desempeñar o seu labor e as condicións laborais necesarias para unha atención eficaz. Deféndese investindo diñeiro nela e cubrindo os postos de traballo. Pero para iso hai que crer na sanidade pública, cousa que o señor Rueda e o seu goberno non fan.
E como cidadáns e cidadás responsábeis, que sabemos que só a través da participación na vida pública se consegue dar solución aos nosos problemas, este mércores, no mercado, puxemos o noso gran de area apoiando coa nosa sinatura esta iniciativa lexislativa popular na procura dunha sanidade pública de calidade.
Coa citada iniciativa lexislativa preténdese garantir por lei a mellora da estrutura e funcionamento dos centros de saúde, urxencias extrahospitalarias e servizo de ambulancias; rematar coas listas de agarda en primaria; asegurar a presencialidade e calidade na atención; dotar de autonomía de xestión á Atención Primaria; posibilitar e fomentar a participación cidadá, ou tamén proporcionar unha atención sanitaria en igualdade eliminando a fenda de xénero na atención sanitaria.
Agradecemos a toda a veciñanza de Ribadeo o apoio mostrado a esta ILP que será debatida no Parlamento galego.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
