Os nacionalistas continúan tamén na comarca coa campaña de apoio á ILP en defensa da Atención Primaria e este mércores recollerán sinaturas no mercado de Ribadeo
A Mariña, martes 3 de xaneiro de 2023. Diante da grave situación que están a vivir as veciñas e veciños de Riotorto, despois de que o pasado doce de decembro o seu Centro de Saúde pasara a non contar con ningún médico ou médica, o deputado mariñao do BNG Daniel Castro leva ao Parlamento esta problemática formulando diversas preguntas ao respecto e presentando unha proposición non de lei na que esixe que se cubran de xeito inmediato e contínuo as dúas prazas de médico/a, “xa que non podemos permitir que se deixe a preto de 1200 veciñas e veciños abandonados, pasando a quedar sen unha asistencia sanitaria de calidade” manifestou Castro. “Este feito evidentemente tivo consecuencias inmediatas como as demoras nas consultas ou na xestión das receitas, e alén disto, a non cobertura das prazas de médicos no Centro de Saúde provocou e segue a provocar situacións máis que perigosas, como que a única solución para as urxencias sexa o 061, e todo isto debido a que a pesar do paso dos días a Xunta de Galiza segue sen cubrir as ausencias dos dous facultativos titulares” , manifestou tamén o portavoz municipal do BNG en Riotorto Luís Fernández.
Esta situación que supón un dos maiores ataques á sanidade pública do concello en anos tivo xa unha grande resposta por parte dos veciños e veciñas do concello de Riotorto, que seguen a ver como o Partido Popular continúa a atacar á sanidade pública galega e máis concretamente á nosa Atención Primaria.
Recollida de sinaturas en apoio á ILP en defensa da Atención Primaria
A fomación nacionalista continúa na comarca coa campaña de apoio á ILP en defensa da Atención Primaria promovida por colectivos sociais coma SOS Sanidade Pública e a Plataforma en Defensa da Sanidade Pública da Mariña, dado que os problemas nos centros de saúde danse en practicamente todos os concellos e tamén na atención hospitalaria. Este mércores 4 de xaneiro estarán no mercado de Ribadeo, de 11:30 a 13:30.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
