O Concello segue a traballar a prol do patrimonio e da oferta cultural de Mondoñedo
Mondoñedo, 14 de xaneiro, 2023. Mondoñedo estará un ano máis presente en FITUR co fin de promocionar o concello a nivel turístico nacional e internacional para manter o crecemento experimentado nestes últimos anos e consolidar unha tendencia alcista na recepción de visitantes na cidade.
Para este fin, o Concello saca á luz unha nova edición da Revista de Turismo na que reúne toda a oferta turística local: patrimonio, cultura, artesanía, gastronomía, hostalería. A revista entregarase na feira é tamén e descargable dende a páxina web do concello en formato pdf.
A actividade do Concello de Mondoñedo consistirá en levar a cabo unha intensa axenda de contactos con profesionais do sector para dar a coñecer a cidade e o concello, así como para promover a inversión na localidade dende iniciativas privadas nun momento de expansión do turismo en todos os ámbitos.
Mondoñedo achegará todas as melloras a prol do patrimonio e da cultura na cidade e no concello para amosar a liña seguida por este goberno na lexislatura.
Exemplos deste mellor coidado e custodia do patrimonio local, son a Rehabilitación da Capela da Venerable Orde Terceira Franciscana no conxunto do Mosteiro da Alcántara, dentro da cidade, as melloras levadas a cabo na Capela da Virxe da Guadalupe en Grove, as melloras executadas no trazado do Camiño de Santiago con mellora de firmes, sinalizacións, recuperación de patrimonio etnográfico, etc. e, por suposto, melloras culturais como son a creación do Centro de Interpretación dos Abastecementos de Auga de Mondoñedo, dentro da Fonte Vella, e a creación da Exposición Itinerante As San Lucas, dende 1156, que ten a súa sede no Auditorio Municipal Pascual Veiga e que se pode trasladar para a súa promoción, dunha das feiras máis antigas de Europa.
Mondoñedo consolidou, con este goberno, unha tendencia de crecemento no eido turístico derivado do bo facer e as boas prácticas a través das súas políticas activas de promoción da cultura, patrimonio, etnografía, artesanía, Camiño de Santiago, produtos gastronómicos, etc e, por outra banda, con inversión en mellora de todos estes eidos coa creación de espazos novos e aposta por novas iniciativas, conxugando na mesma as iniciativas públicas coas privadas para que Mondoñedo avance no bo camiño.
Nesta liña o goberno local segue a traballar para acadar a consecución, dada a boa inercia existente, de novas inversións de capital privado que complemente as achegas públicas e que consoliden definitivamente a Mondoñedo como un foco de atracción de turismo baseado na súa riqueza cultural, patrimonial e social
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
