O obxectivo de Gueimunde é recuperar a alcaldía e a confianza dos veciños e veciñas do municipio pois “Viveiro necesita unha rehabilitación e recuperar a súa grandeza”
Viveiro, 21 de xaneiro de 2023. Mariña Gueimunde González é a candidata do PP de Viveiro para recuperar a alcaldía. A presentación da candidata tivo lugar onte pola tarde no Salón Covas do Hotel Thalassos Las Sirenas nun acto entre afiliados e simpatizantes do partido no que tamén participaron membros da dirección provincial, o coordinador xeral, José Manuel Balseiro Ourol, o secretario xeral do partido, Javier Vázquez Nodal, entre outros.
Desde a dirección provincial destacan que “aspiramos a conseguir a alcaldía”. Balseiro subliñou que “levamos o mesmo tempo sen gobernar que o que estivemos no goberno, é unha boa oportunidade para que os veciños comparen a xestión nefasta que hai neste momento coa xestión eficiente que fixo o Partido Popular en todos os anos que gobernou”. Neste sentido, o coordinador destacou que “todas as inversións importantes que se fixeron en Viveiro teñen a etiqueta do Partido Popular, tanto cando gobernou no municipio, como os investimentos da Xunta de Galicia nos últimos anos”.
A candidata trasladou o seus agradecementos por asistir á proclamación da súa candidatura e a aposta pola renovación dun equipo “que conta cun proxecto comprometido con Viveiro”. O obxectivo principal para Gueimunde, que conta co apoio do comité local e da dirección provincial, é o de recuperar a alcaldía e volver a gañarse a confianza dos veciños e veciñas do municipio para dar resposta as súas necesidades e ser unha alternativa real de cara as próximas eleccións municipais.
“Viveiro necesita dunha rehabilitación estrutural para recuperar a súa grandeza, neste momento contamos cun equipo de goberno que está a cambiar as cousas a peor, e por iso, vamos a traballar con ilusión, humildade e seriedade para lograr uns resultados favorables”, engade a popular.
Gueimunde conta co respaldo da dirección provincial e co respecto dos veciños e veciñas do municipio, que a coñecen pola súa faceta profesional de profesora, profesión que exerce desde fai máis de 20 anos. A candidata leva unida ao partido moitos anos e xa formou parte da oposición desde o 2007 ata 2015 como concelleira do PP e. en abril do 2008, converteuse na primeira muller senadora pola provincia, un cargo que ostentou ata setembro de 2011. Ademais, desde o ano 2014 foi xefa territorial de educación na provincia de Lugo.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
