Viveiro, 12 de xaneiro. O Concello de Viveiro celebrou onte, 12 de xaneiro, tres mesas de contratación nas que se acordou a proposta de adxudicación de varias obras importantes para o municipio.
A primeira delas é a pavimentación e drenaxe de exteriores do Centro Ocupacional de Aspanane que contan cun orzamento de 49.242 €, que consistirán no acondicionamento do recinto exterior pechado do centro ocupacional. Esta infraestrutura empregarase como patio exterior para o desfrute dos usuarios do centro, o que supón un importante avance para a axenda de actividades da entidade.
Entre as actuacións a levar a cabo inclúese a ampliación da zona asfaltada e o mantemento dunha extensa zona verde na que se plantará céspede e varias árbores. Tamén se dotará ao espazo exterior dunha capa de drenaxe con zahorra e un drenaxe perimetral do edificio para evitar a entrada de auga ao interior por infiltración.
“Estas melloras do Centro Ocupacional responden ás necesidades da asociación e dan un paso máis no compromiso de máxima colaboración e axuda con Aspanane”, subliña María Loureiro, alcaldesa de Viveiro que engade: “Grazas ao convenio que alcanzamos coa Deputación continuamos coa nosa vontade de dar resposta a todas as necesidades dos usuarios e usuarias de Aspanane, coa que o goberno local colabora dende sempre e á que recoñece o importante labor que desempeña”.
Outra das obras que se acometerá será o acondicionamento e mellora da pista do Ponte FEVE ata A Casería e do ramal na parroquia de Covas.
No zona das Pallaregas, o concello vai levar a cabo unha serie de actuacións que contan cun orzamento segundo proxecto de 129.882,11 €. Nelas están incluídas as obras de acondicionamento e mellora da pista principal, dende a Ponte de Feve ata a Casería, e tamén no ramal denominado Pista de Vilar-O Rego, que dá acceso ás vivendas de Porta Leira.
Por outra banda, realizarase a reposición de firme nos viais situados no lugar de Paraíso, unha obra que conta cun orzamento, segundo proxecto, de 107.522,63 €. Nesta acometida están incluídos os arranxos doutros catro viais da zona.
Para a execución destas actuacións, o Concello de Viveiro asinou un Convenio coa Deputación Provincial de Lugo incluídas no Plan Único do 2022.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
