Viveiro, 10 de xaneiro, 2023. Á concelleira do BNG, Míriam Bermúdez, foille imposible seguir o pleno de xaneiro telemáticamente constatando así as denuncias do BNG a este respecto, nas que se demandou en reitaradas ocasións mellorar as deficiencias de audio que se dan na retransmisión dos plenos que impiden que a veciñanza poda acceder á información que se debate nos mesmos.
“Dificilmente se poden seguir as gravacións plenarias e polo tanto máis díficil é si cabe poder debatir sobre os temas de maneira telemática”, así o confirmou Míriam Bermúdez, quen se conectou telemáticamente neste pleno do 10 de xaneiro sen posibilidade de seguir o debate correctamente; non puido escoitar aos portavoces, tampouco intervir nos puntos e moito menos expoñer as súas iniciativas. “Por que insisten en afirmar en que a plataforma dos videoplenos correctamente? Cal será o interese do equipo de goberno? ”
Míriam Bermúdez, denunciou así a deficiencia deste servizo que impide que a cidadanía poda seguir os debates de maneira online, “está claro que non se garante a transparencia e información que merece a veciñanza”.
Desde que foi aprobada a moción do BNG para a gravación das sesións plenarias, todo foron paos nas rodas por parte do Goberno de Loureiro con tal de non emitilas, ou de facelo, con moi mala calidade ide maxe e son. As insistencias do BNG para que se emitisen os plenos foron varias como as de outubro de 2019 e maio de 2020, pero moitas máis foron as insistencias para que se mellorasen e poder seguilas de maneira óptima: en agosto de 2020, en novembro de 2020, en decembro de 2020, en xaneiro de 2022 e incluso en setembro de 2022 onde saía aprobada unha moción para a mellora destas gravacións.
“É evidente que prefiren a ocultación antes que a información” asegura contundentemente Míriam Bermúdez
O PP lamenta que as deficiencias técnicas, debidas á incapacidade de xestión de Loureiro, obrigaran a suspender a sesión plenaria
O pleno da corporación municipal de Viveiro convocado para a noite de hoxe tivo que ser suspendido debido a que as deficiencias técnicas fixeron imposible a participación por vía telemática da portavoz do BNG e dun concelleiro do PSOE. O portavoz popular, Óscar Rodríguez, considera inadmisible que a desidia do goberno presidido pola socialista María Loureiro na xestión dos recursos municipais provoque unha situación así, impropia “dun Concello como o de Viveiro e moito máis despois da experiencia que se supón que debería ter acumulada como consecuencia da pandemia”.
A sesión plenaria tivo que ser suspendida ao seu inicio, porque a comunicación entre os asistentes presenciais e os que o pretendían participar telematicamente demostrouse imposible. Rodríguez sinala: “Chove sobre mollado, porque levamos moito tempo avisando de que hai que dispoñer dos recursos técnicos adecuados, tanto para casos como este como para que os plenos sexan gravados coa calidade mínima necesaria para que poidan ser visualizados polos cidadáns que teñen interese en seguilos”.
Os populares cren que o ocorrido na sesión de hoxe é unha demostración máis da incapacidade de xestión do goberno presidido por María Loureiro. Rodríguez declara: “Acaba este mandato e seguimos igual; dificultades, cando non imposibilidade para que se poida participar telematicamente nos plenos e para que, en aras de facilitar a información e a transparencia, as sesións sexan gravadas cunha calidade aceptable”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
