O delegado territorial informou nunha reunión solicitada polo voceiro popular de Foz que as obras suporán a construción de 220 metros de beirarrúas, que se sumarán ás acometidas en fases anteriores
Lugo, 17 de xaneiro de 2023. O delegado territorial da Xunta en Lugo, Javier Arias, mantivo hoxe unha reunión co voceiro popular de Foz, Javier Castiñeira, solicitada polo representante focense, para coñecer o estado das obras na LU-162, de Ferreira do Valadouro a Cangas de Foz. Arias Fouz explicou que a primeiros de febreiro comezará unha nova fase nesta estrada, con obras dirixidas a mellorar a seguridade viaria, coa construción de beirarrúas, cun total de 220 metros a ambas marxes.
A Consellería de Infraestruturas e Mobilidade avanza así nunhas obras xa executadas desde o enlace coa N-642, nun tramo de 785 metros lineais de estrada, con beirarrúas tamén nas dúas marxes. O xefe da AXI en Lugo, Gerardo Pallares, tamén presente na reunión de hoxe sinalou que esta nova fase acométese co ánimo de seguir avanzado na mellora da seguridade viaria desta estrada.
EDAR e IES de Foz
No transcurso deste encontro tamén se falou da tramitación para a construción da nova EDAR, unha estación depuradora de augas residuais, para a que a Xunta de Galicia destina 6,5M€ nos orzamentos deste ano.
A outra gran inversión para Foz tratada na reunión de hoxe, á que tamén asistiu a xefa territorial da Consellería de Cultura, Educación, Formación Profesional e Universidades, María José Gómez, corresponde á reforma integral do IES de Foz, obra que está en execución cun investimento de 1,2 milóns de euros. Esta actuación permitirá reducir o consumo enerxético das instalacións e facelas máis confortables, grazas á reforma do edificio principal -que alberga aulas, a sala do profesorado, a secretaría, a biblioteca e a cafetería-; así como doutro inmoble que acolle o salón de actos, un taller e aulas. Estes traballos inclúen tamén o illamento de fachadas e cubertas, a renovación de xanelas e a instalación de luminarias tipo LED.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
