Burela, 10 de xaneiro, 2023. Desde a Plataforma Sanitaria da Mariña fan esta convocatoria para, en primeiro lugar, presentar públicamente a manifestación que o día 19 de xaneiro percorrerá a localidade de Burela desde a súa saída da entrada principal do Hospital da Mariña, ás 20 horas, baixo o lema “contra o desmantelamento da sanidade pública”.
Nesta comarca temos moitos motivos para sair á rúa:
A Mariña ten que mobilizarse masivamente porque seguimos a reclamar a recuperación da área sanitaria que o PP e o goberno da Xunta eliminaron, en contra dun clamor popular que esixía o mantemento de dita área, así como tamén en contra do resto de forzas política do Parlamento e sen consensuarse tampouco cos axentes sociais. É dicir, unha medida tomada de xeito unilateral e sen contar coas maiorías sociais, que nos opuxemos frontalmente liderando a loita social que naqueles momentos se desenvolveu no país. Esta decisión trouxo consigo a centralización da maior parte dos servizos na macroárea da capital, alonxando a asistencia sanitaria das persoas. As declaracións verquidas polos líderes e lideresas do PP mariñao, afirmando que a supresión da área “non ía ser percibida pola xente, que non o notariamos” ou que esto traería “máis e mellores servizos” ao tempo que nos acusaban de alarmistas e mentireir@s resultaron ser outra campaña máis de propaganda e publicidade enganosa pola proximidade de procesos electorais. Actualmente, cinco anos despois deste espolio, a nosa sanidade pública é mais precaria, máis alonxada das persoas, e está proxima ao seu total desmantelamento.
Se falamos da atención hospitalaria as eivas son importantes:
Temos listas de espera de ate dous ou tres anos para consultas como cardioloxía, traumatoloxía, uroloxía , reumatoloxía… ou para facer unha ecografía.
Derivacións cara a Lugo para probas como radiografías panorámicas dentais, densitometrías, electromiografías ou intervencións coma marcapasos ou varices.
Carecemos de servizos básicos como unha consulta de cirurxía vascular que evite os desprazamentos a Lugo para facer probas sinxelas como un doppler ou o seguimento de certas patoloxías; tamén carecemos de terapia ocupacional ou de fisioterapia respiratoria infantil.
En Saúde Mental, e como consecuencia directa de carecer de Área Sanitaria propia, debemos non dispoñemos de Unidade de Prevención de Suicidios nin de o Hospital de Día Infantoxuvenil, unidades recentemente creadas en Lugo e que , en palabras do Conselleiro de Sanidade habería en todas as áreas sanitarias, pero nós xa non somos. Tampouco dispoñemos de todas as áreas sanitarias, tendo que ser trasladad@s a Lugo todas as persoas que teñen calquera brote de agudización da súa enfermidade mental ou que debutan cunha enfermidade mental de xeito agudo.
A logopedia sigue a estar en mans privadas.
A atención primaria sufre tamén numerosos déficits e atópase nunha situación caótica:
Porque temos de agarda de ata QUINCE días para poder acceder a unha consulta, tendo en conta que os procesos susceptibles de atención no nivel básico de saúde deberían ter resposta como moi tarde en 48 horas.
Porque sigue sen substituirse o persoal ausente por permisos, vacacións ou baixas chegando asitucións insostibles para os centros , con máis do 50% d@s médicos de familia sen cobertura, centros cun só facultativo dun total de dez (é dicir prácticamente en peche funcional), e mesmo centros sen ningún/ha facultativa.
Porque levamos dous anos sen persoal médico nin de enfermería para a atención das persoas desprazadas, nos meses de maior presión poboacional, sobrecargando aínda máis a un persoal xa exhausto.
Porque o persoal médico leva moito tempo atendendo a un número de persoas moi superior ás recomendacións ( chegose ata 83 persoas en quenda de mañá), incrementándose o risco de cometer erros e imposibilitando unha atención de calidade.
Porque non temos pediatras nos nosos centros de saúde cando faltan @s titulares, derivándose a atención pediátrica ao servizo de urxencias do hospital (sobrecargando innecesariamente o seguinte nivel asistencial) ou obrigando ás familias a acudir a consultas privadas, se teñen medios , creando polo tanto desigualdades.
PORQUE A PRIVATIZACIÓN DOS SERVIZOS SANITARIOS NON É UNHA OPCIÓN, ESIXIMOS UNHA SANIDADE PÚBLICA GRATUÍTA, EQUITATIVA, UNIVERSAL, DE CALIDADE E DE PROXIMIDADE
É por isto que facemos un chamamento ao persoal sanitario, á industria, aos sectores produtivos, ao comercio e hostelería, aos alcaldes, alcaldesas e corporacións municipais, ao tecido asociativo e , ao fin a toda a sociedade mariñá para que acuda o vindeiro día 19 de xaneiro ás 20 horas á manifestación que sairá do Hospital da Mariña e percorrerá as rúas de Burela para rematar na Praza do Concello.
Xa no pasado a loita multitudinaria e continuada logrou que o hospital fora ampliado, aínda que nós pediamos tamén servizos e logrou que próximamente nos coloquen unha resonancia fixa (reclamación histórica deste colectivo), que non estaba nos seus plans e que se vai facer grazas a fondos europeos que teñen que invertirse e estar en funcionamento neste ano.
En segundo lugar queremos avanzar que a recollida de sinaturas en apoio da ILP de medidas urxentes para e fortalecer a atención primaria está a ser un éxito tanto no país como na Mariña. Seguiremos recollendo ata despois da manifestacióna para xa entregalas no Parlamento sobre finais de xaneiro ou principio de febreiro. Queremos adiantar que só na Mariña lévanse recollidas preto de catro mil, polo que podemos dicir que a recollida en todo o país supera ampliamente o mínimo necesario.Desde este colectivo queremos agradecer á veciñanza da Mariña a boa disposición que tivo, tanto para asinar, como para acudir a todas as concentracións que levamos convocado por este motivo desde o verán.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
