Preto de 1.500 estudantes de Infantil, Primaria, ESO, Bacharelato, FP e Educación Especial participan este curso neste programa, enmarcado no Plan Proxecta+
Vilalba, 26 de xaneiro de 2023. A directora xeral de Ordenación e Innovación Educativa, Judith Fernández, e o delegado territorial da Xunta en Lugo, Javier Arias, participaron esta mañá na inauguración das actividades do programa Mestres Gandeiros no colexio CEIP Terra Chá de Vilalba. Esta iniciativa enmárcase no Plan Proxecta+, unha iniciativa da Consellería de Cultura, Educación, FP e Universidades, en colaboración con diferentes organismos, dirixida a fomentar a innovación educativa nos centros a través de programas que abranguen diferentes eidos.
Mestre Gandeiros é promovido pola Consellería de Medio Ambiente, Territorio e Vivenda e o Instituto de Estudos do Territorio de Galicia, en colaboración coa Cooperativa A Carqueixa. O seu obxectivo é transmitir o coñecemento e as boas prácticas da poboación rural como xestores da natureza e da paisaxe, mediante o emprego de técnicas de xogo, do coñecemento das persoas e do contacto co territorio. Preto de 1.500 alumnos de Infantil, Primaria, ESO, Bacharelato, FP e Educación Especial participan este curso.
No caso do colexio vilalbés participan nesta iniciativa arredor de 70 alumnos, para o que contan cun invernadoiro e cun galiñeiro nos que desenvolven tanto o cultivo dunha horta ecolóxica como a cría de poliños. Neste sentido, a directora xeral destacou o valor desta iniciativa para transmitir aos máis novos a cultura do coidado da terra e da natureza, “uns valores que en colexios coma esta están moi arraigados e nos que os alumnos son case expertos nuns labores que aprenden en moitos casos na propia casa”.
A través desta iniciativa, ademais da conciencia ambiental, tamén se promoven as competencias dixitais, dado que o programa contempla o emprego de información xeográfica dixital, mapas ou bases de datos espaciais, entre outros recursos.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
