A convocatoria de 2022 foi a que máis solicitudes e importe concedido rexistrou e nela a Consellería do Mar aprobou 70 proxectos por valor de máis de 1,1 millóns de euros
Viveiro, 10 de xaneiro de 2023. A conselleira do Mar, Rosa Quintana, puxo hoxe en valor a aposta da Xunta polas melloras a bordo dos buques pesqueiros para promover a pesca sustentable e a remuda xeracional na actividade marítimo-pesqueira. Nesta liña, expuxo que este ano a Xunta destinará a este fin 1,5 millóns de euros a través dunha convocatoria de axudas para os propietarios de buques pesqueiros galegos que publicará esta semana o Diario Oficial de Galicia.
Así o sinalou a conselleira durante unha visita en Celeiro ao buque Pino Montero Tres, que foi beneficiario deste tipo de apoios cofinanciados co Fondo Europeo Marítimo de Pesca. Alí Rosa Quintana estivo acompañada polo delegado territorial da Xunta en Lugo, Javier Arias e polo director xeral de Pesca, Acuicultura e Innovación Tecnolóxica, Antonio Basanta, e explicou que son obxecto destas achegas os investimentos para limitar o impacto da pesca no medio mariño e para protexer as especies.
Tamén se destinan a subvencionar actuacións que melloren as condicións de traballo, hixiene e seguridade dos buques e aquelas relacionadas coa eficiencia enerxética, o cambio de motores e a mitigación do cambio climático. Outros investimentos obxecto de recibir achegas e que especificou a conselleira, son os que aumenten o valor engadido, a calidade dos produtos e a utilización das capturas non desexadas.
Este tipo de apoios, incidiu Rosa Quintana, son unha mostra máis do interese de Galicia no coidado medioambiental do mar e dos profesionais que dependen del e na defensa do equilibrio entre os aspectos medioambientais e socioeconómicos co fin de promover a competitividade da pesca galega.
A isto engadiu que na convocatoria de 2022 a Consellería do Mar aprobou 70 proxectos por valor de máis de 1,1 millóns de euros e subliñou que é a que máis solicitudes rexistrou e na que máis importe se concedeu de todo o período FEMP. A maiores, incidiu en que todas as solicitudes que cumprían os requisitos foron seleccionadas e que entre a primeira convocatoria no marco do FEMP -do ano 2016- e a do ano pasado, a Xunta aprobou axudas a máis de 300 proxectos deste tipo por máis de 4,5 millóns de euros.
Ademais detallou exemplos de proxectos que se adoitan subvencionar con estas achegas como os relacionados coa modernización de buques, o subministro e instalación de hélices de manobra e a reforma das estruturas de abrigo na cuberta. Tamén equipamentos para os buques como dispositivos de salvamento e loita contra lumes, traxes de supervivencia, equipamentos de navegación ou adaptacións en instalacións para mellorar as condicións hixiénicas así como dispositivos radioeléctricos de comunicación por satélite e a implantación de sistemas wifi a bordo.
Buque Pino Montero Tres
O pesqueiro Pino Montero Tres que visitou hoxe a conselleira é un palangreiro de 35 metros de eslora construído en 2007, con porto base en Celeiro (Viveiro), que adoita faenar en augas de Gran Sol e do Atlántico Noreste e que está facendo a súa transformación para a pesca con volanta. Dentro da convocatoria de axudas de 2021 a propietarios de buques, beneficiouse dunha achega de preto de 12.200 euros para a instalación de antenas e equipos que permiten o acceso a redes de alta velocidade marítimas de internet.
Isto mellora as condicións de traballo e calidade de vida a bordo dos seus tripulantes así como o contacto con terra e é un exemplo do que posibilitan os apoios deste tipo. De aí, destacou a conselleira, que Galicia defenda a súa necesidade e así o manifestou desde o primeiro momento de cara ao próximo Fondo Europeo Marítimo da Pesca e da Acuicultura, pois trátase dunha cuestión vital para que a xente nova vexa o mar como unha opción laboral atractiva e para acadar a remuda xeracional no sector.
Apoios a tripulantes
Ademais destes apoios, a Xunta tamén pon a disposición do sector axudas destinadas a tripulantes de menos de 40 anos para a adquisición da primeira embarcación. A convocatoria de 2023 destas achegas foi publicada hai uns días no DOG e a elas o Executivo galego destina 300.000 euros co fin de impulsar a pesca sustentable. A través delas poderase financiar ata o 25% do custo do barco, cun límite máximo de 75.000 euros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
