Ribadeo, 27 de xaneiro 2023. Cada vez son máis frecuentes os delitos cometidos a través de internet. De ciberseguridade e ciberataques falaron onte en Ribadeo membros do Equipo de Investigación Tecnolóxica da Comandancia da Garda Civil de Lugo. As charlas foron organizadas por Acisa coa súa colaboración e a do Concello.
Entre os datos postos enriba da mesa: en 2017 denunciáronse en España máis de 110.000 casos de delitos cometidos a través de internet e en 2021 máis de 300.000. Galicia ocupa o quinto lugar de España en número de denuncias presentadas. As estafas creceron un 455%.
Que entendemos por Ciberseguridade? Evitar o roubo de calquera tipo de información que teñamos nos nosos dispositivos electrónicos. O fin da maioría dos delitos cometidos a través de internet e que afectan a particulares e empresas é a obtención rápida e fácil de diñeiro.
Desde o Equipo de Investigación Tecnolóxica puxeron de manifesto que a seguridade total na internet non existe e que hai consellos e boas prácticas, relativas aos contrasinais, ao emprego de bos antivirus ou a contar, por exemplo, cunha tarxeta prepago para facer compras a través de internet. Insistiron en que o barato non existe, por iso é recomendable desconfiar sempre desas ofertas que nos chegan a través das redes sociais ou aos correos electrónicos e sobre todo fixeron fincapé en non facilitar datos persoais: DNI, números de contas bancarias a ninguén por ningunha destas vías.
No caso de que nos consideremos vítimas dunha estafa a Garda Civil recomenda gardar todas as probas e poñelas no seu coñecemento.
As prácticas máis comúns a través de internet son estafas en compras de viaxes, estafas de produtos que nunca chegan ao seu destino, estafas en investimentos, servizos técnicos falsos, cartas nixerianas, subscricións, ofertas de emprego, romance scam-sexting e phising.
A antiga casa sindical de Ribadeo acolleu na tarde de onte dúas charlas, a primeira dirixida ao público xeral e a segunda ao empresariado local. O Equipo de Investigación Tecnolóxica contou que 64% das empresas do planeta sufriron algún tipo de ciberataque.
Ningunha empresa está libre de sufrir ataques por contrasinais, ataques por enxeñería social, phising, vishing e smishing, ataques ás conexións, por malware, ataques BEC… Se un empresario pensa que foi vítima delas o primeiro que debe facer é illar o seu computador desenchufándoo da rede e poñer inmediatamente o caso en mans da Garda Civil.
Entre as recomendacións para as grandes empresas: dividir os traballos e os correos por roles e que cada empregado teña o seu propio usuario e contrasinal. Entre outras medidas, recoméndase evitar o uso de dispositivos usb descoñecidos porque poden estar infectados.
Desde Acisa a súa presidenta, Carmen Cruzado, agradece ao Equipo de Investigación Tecnolóxica da Garda Civil de Lugo, “su desplazamiento a Ribadeo para ofrecernos estas interesantes charlas. Nos quedó muy claro que cualquiera de nosotros, particulares o empresas, podemos ser víctimas de estafas y ataques a través de internet. Hay casos en la provincia de Lugo y en la comarca de A Mariña también, como demuestra la última operación realizada por estos agentes y denominada Firewood, que supuso la desarticulación de una organización criminal, la detención de 8 personas y la recuperación de 300.000 euros”.
Cruzado Iglesias subliñou: “la conclusión que extraemos de todo esto es que cuanto más compremos en las tiendas físicas, en las de Ribadeo en este caso, mucho mejor. Menos posibilidades tendremos de caer en estas trampas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
