O encontro foi presidido polo presidente do Pescados Rubén Burela FS, Manuel Blanco, o Reitor da USC, D. Antonio López Díaz e o Delegado do Reitor para o Deporte D. Javier Rico que presentan un acordo para promocionar o deporte
Burela, 17 de decembro, 2022. Esta tarde ás 18.30 horas disputouse o Pescados Rubén Burela FS – LTBL Futsal Alcantarilla no Pavillón Vista Alegre de Burela. O encontro foi presidido polo presidente do club, Manuel Blanco Fanego, o Reitor da Universidade de Santiago de Compostela, D. Antonio López Díaz e o Delegado do Reitor para o Deporte D. Javier Rico, que visitaron a localidade no marco do acuerdo de colaboración entre a USC e o equipo mariñán para promocionar o deporte entre tódolos membros da comunidade universitaria e na cidadanía en xeral, así coma fomentar a igualdade, a tolerancia e a inclusión neste ámbito. Tras visitar as oficinas da entidade trasladáronse ao pavillón onde se celebrou o encontro.
Por outra parte, a colaboración do club coa campaña de Cruz Vermella “Os seus dereitos en xogo”, consistente en regalar unha entrada por cada xoguete novo entregado, foi un éxito. Numerosas familias da localidade puxeron o seu grao de area e recolectáronse moitos xoguetes para que os nenos e nenas que os necesiten poidan desfrutar deles dende estas Navidades.
Despois dun encontro moi sufrido na 3ª eliminatoria da Copa el día 6 deste mesmo mes en Murcia, onde as burelás chegaron á prórroga nun día con pouco tino, nesta ocasión estivieron moi acertadas. O encontro destacou pola gran calidade das Guerreiras Laranxas, que foron moi superiores ao equipo murciano durante todo o xogo. No minuto 5 Antía abre o marcador 1-0 para o Burela e pouco despois, no minuto 6 Irene Samper comeza a súa goleada metendo o seu primeiro tanto do día e o segundo do equipo. No 7 suma o 3-0 e posteriormente no 12 o 4-0. Na segunda parte culmina o partido co 5-0 no minuto 28 e ata case o final do encontro no que Ana Pino consegue o 5-1 a segundos do final. As xogadoras do Pescados Rubén Burela FS demostraron hoxe a súa grande evolución ao longo da tempada, según Julio Delgado, “Vimos a moi boas xogadoras hoxe, Antía medrou moitísimo hoxe, Patri, xogadoras que levan pouco tempo aquí en Burela e cada vez van collendo máis peso”, pero tamén hai que destacar o xogo de Irene Samper, con 4 goles recén chegada de xogar coa selección e co desgaste que conleva. Según a entrenadora do equipo rival, Alicia Morell “de principio a fin creo que o Burela foi moi moi superior, sobre todo cando Irene Samper ten ese nivel… facía tempo que non vía unha xogadora con ese nivel tan superior ao resto”
Con outra victoria máis para rematar o ano o Burela FS manténse segundo na clasificación e continúa empatado co Poio que tamén se levou hoxe os 3 puntos contra o MSC Torrelablanca.
Ficha Técnica:
Pescados Rubén Burela FS: Caridad (P), Jenny, Antía, Patricia, Emilly, – cinco inicial- Dany, Cilene, Dasha, Irene Samper, Masha, Sonya y Jozi Oliveira (P).
LTBL Futsal Alcantarilla: Irene Franco (P), Blanca Ibáñez Camacho, Marta de los Riscos, Paola Cartagena Ceballos, Iraia Romero – cinco inicial- Ana Belén Egea Fernández, Elisabet Carrasco Bonet, Raquel Martinez Sadoc, Ana Pino, Carla Ayensa, Melli, Elena García Martos, Ana Romero (P).
Goles: Min.5 Antía 1-0; Min.6 Irene Samper 2-0; Min.7 Irene Samper 3-0; Min.12 Irene Samper 4-0; Min.28 Irene Samper 5-0; Min.39 Ana Pino 5-1.
Equipo Arbitral: Iria de Luis Iglesia y Javier Menéndez Nistal.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
