A Mariña, 13 de decembro de 2022. Os socialistas denuncian novamente que a Xunta de Galicia mantén un só equipo médico para cubrir o servizo de Paliativos e HADO do Hospital da Mariña. Advirten de que “dende fai meses só hai un médico e un enfermeiro neste servizo, cando terían que estar traballando dous equipos sanitarios” para dar cobertura a toda A Mariña.
Dende o PSdeG inciden en que xa denunciaron esta mesma situación hai preto de un ano, “incluso se aprobaron iniciativas parlamentarias, co apoio do PP, nas que se solicitaba chegar á dotación inicial todos os días da semana co obxectivo de poder retomar a atención presencial na totalidade dos concellos do distrito sanitario da Mariña”.
O servizo de HADO ofrece unha alternativa asistencial á hospitalización convencional, para atender entre outros a doentes oncolóxicos, infecciosos, con cirurxías complexas, crónicos ou en estado terminal. “Os doentes e as súas familias están padecendo unha delicada situación, algúns deles con patoloxías crónicas ou terminais, e que actualmente só reciben atención telefónica”. A maiores, moitas veces son derivados á atención primaria, onde tamén se vive unha “situación caótica”.
Actualmente, os servizos de Paliativos e HADO non se están prestando de xeito presencial en 10 dos 14 concellos da Mariña, quedando, polo tanto, máis do 60% da súa poboación sen servizo. “Queremos que se cubran de xeito urxente as vacantes desta especialidade, máxime, nun servizo que atende a doentes con necesidades moi especiais, e que tamén afecta ás súas familias”, remarcan.
Ribeira de Piquín
En relación coa “precariedade” nos medios sanitarios que padece a provincia pola “nefasta xestión da Xunta”, o Alcalde de Ribeira de Piquín, Roberto Fernández Rico, denunciou onte mesmo a situación de abandono que esta padecendo á veciñanza do seu concello. Avanzou que esta disposto a mobilizar aos seus veciños e recoller sinaturas, “xa que só hai un médico en descontinuo e cubrindo o servizo dous ou tres días á semana no noso centro de saúde. Só atende unhas horas e non sabemos nin cales”, asegurou.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
