Se a empresa continúa sen atender as súas xustas reivindicacións, a folga será indefinida a partir do 19 de decembro
Xove, a 9 de decembro de 2022. Os traballadores e as traballadoras das piscifactorías que Insuíña ten en Xove e en Oia e das oficinas centrais de Chapela (Redondela), acordaron ir á folga os días 15, 16 e 17 de decembro para demandarlle á empresa que sente negociar un convenio colectivo que permita avanzar na equiparación das súas condicións coas que xa ten o resto do persoal do grupo Nueva Pescanova. Ademais, se a empresa segue sen atender esta xusta reivindicación, a folga pasará a ter carácter indefinido a partir do 19 de decembro.
A representación social dos centros de Xove e Mougás (Oia) leva dende abril do pasado ano intentando que a empresa se abra a negociar un convenio propio que mellore as condicións laborais, salariais e sociais, en cumprimento do recollido no acordo para regular as condicións de traballo que finalizou en 2020.
Naquel momento, a empresa propuxo atrasar a constitución da mesa até que se publicara o convenio colectivo do grupo Nueva Pescanova que se estaba a negociar naquela altura. Finalmente, e despois de novas demoras, en xuño deste ano tiveron lugar dúas reunións previas á negociación do convenio de Insuíña nas que as posturas da dirección e da parte social ficaron totalmente distantes.
Mentres a empresa pretende reeditar os pactos de articulación das condicións de traballo, a representación do persoal demanda un convenio propio que permita unificar as súas condicións coas que xa teñen os compañeiros e compañeiras doutras empresas do grupo, tanto en materia salarial, como no relativo ás licencias e permisos, a clasificación profesional etc.
Malia os traballadores e traballadoras de ambos centros ratificar en asemblea a aposta por un convenio propio, Insuíña négase a negocialo escusándose en que está a negociar un Plan de Igualdade e na proximidade das eleccións sindicais, limitándose a propor outro pacto de mellora.
En resposta a este inmobilismo patronal, o persoal xa realizou dúas concentracións os días 24 de novembro e 1 de decembro, mais ante a falta avances decidiron ir á folga xoves, venres e sábado da próxima semana e iniciar folga indefinida o 19 de decembro se non hai avances.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
