Viveiro, 8 de decembro de 2022. O Concello de Viveiro, continuando na liña de traballo pola inclusión que mantén durante todo o ano, promove unhas xornadas de convivencia entre o Centro Comercial Histórico de Viveiro e a asociación Aspanane co nome de ‘O Comercio inclúe’.
Co gallo da celebración do Día Internacional das Persoas con Diversidade Funcional, o grupo de goberno impulsa esta iniciativa, que incluirá a persoas con diversidade funcional en diferentes establecementos da vila co obxectivo de que teñan a experiencia de traballar nos diferentes eidos do comercio de Viveiro, normalizando o consumidor a súa presenza detrás do mostrador ou en diferentes postos de traballo.
A alcaldesa de Viveiro, María Loureiro, destaca que “temos un compromiso claro coa inclusión, unha prioridade de goberno para nós, e está iniciativa é un paso máis dentro do camiño iniciado co programa ‘Viveiro Inclúe’”.
“É unha maneira de dar visibilidade pero tamén é unha maneira de ofrecerlles a oportunidade de coñecer de primeira man o que é traballar fora do centro ocupacional”, subliña pola súa parte Lara Fernández Fernández-Noriega, concelleira de Cultura e Muller.
“Agardamos que sexan unhas xornadas enriquecedoras para todos, e agradecemos como sempre a implicación de Aspanane en todas as nosas propostas así como a colaboración do Centro Comercial Histórico de Viveiro e dos establecementos que son pioneiros neste evento. Esperamos que a iniciativa creza e se repita noutras épocas do ano e, por que non, xurdan novas colaboracións ou mesmo algún posto de traballo para os usuarios ou usuarias de Aspanane”, engade a concelleira.
Dende o Centro Comercial Histórico de Viveiro tamén apostan porque o sector comercial e de servizos da vila sexan lugares de inclusión e agradecen ao Concello e a Aspanane o seu “grandísimo traballo” neste eido, así como ós seus asociados o feito de sumarse á iniciativa.
“Debemos sensibilizarnos con este tema para que as persoas con algún tipo de diversidade funcional se sentan a gusto nos nosos negocios. Coñecelos dende dentro, como se traballa, como se atende ó publico, e como se xestionan distintos negocios é un paso máis para facer un comercio máis inclusivo”, defende Isabel Méndez, xerente do Centro Comercial Histórico de Viveiro.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
