Ribadeo, 28 de decembro de 2022. O Concello investirá 120.000 euros no arranxo das escolas de Noceda, Remourelle, Vilaosende, Vilaselán, Vilela e Vilaframil e tamén no teleclub de Vilamariz. Para levar a cabo esta importante actuación contará coa colaboración da Deputación de Lugo. Estas obras saíron a licitación no día de hoxe, segundo informou o concelleiro de Medio Rural, Marcos Villamil.
O edil ribadense contou que “neste equilibrio que sempre queremos manter entre a vila a as parroquias, vamos dar un novo paso de impulso a todas as infraestruturas das parroquias, singularmente das Escolas e Teleclubs, na liña do que estivemos facendo nestes últimos anos coa súa modernización e mellora, xa que moitas das súas estruturas están demasiado vellas”.
Villamil lembrou que “nestes últimos tempos estivemos actuando en varias delas, pero agora queremos dar un novo paso coa mellora dun novo lote delas nas diferentes parroquias, da costa e do interior. De aí que, logo de escoitar ás diferentes asociacións de veciñ@s os técnicos municipais realizaron os proxectos técnicos oportunos. Nalgúns casos hai que mellorar as carpinterías de exteriores, noutros hai que pintar as fachadas, noutros hai que amañar por dentro e por fóra, noutros hai que eliminar as goteiras, noutros temos que meter mobiliario e nalgúns temos que meter todo isto”.
O concelleiro de Medio Rural subliñou que “para esta acción tan importante, contamos coa axuda inestimable da Deputación de Lugo que nos axuda a través dun convenio extraordinario de colaboración para sufragar unha parte moi importante destes 120.000 euros, que vai custar modernizar e amañar as Escolas de Noceda, Remourelle, Vilaosende, Vilaselán, Vilela e Vilaframil e tamén no teleclub de Vilamariz”.
Villamil engadiu que “no día de hoxe, acabamos de publicar na Plataforma de Contratos do Sector Público a licitación destas obras, que ascenden a 120.000 euros e contan cun prazo de execución de 4 meses. Así que agora, as empresas cualificadas para executalas teñen acceso a toda a documentación nesta web ou na do propio Concello de Ribadeo. E contan cun prazo de presentación de ofertas de 20 días naturais”.
O edil nacionalista adiantou que “nas próximas datas, coa aprobación dos novos orzamentos, daremos outro impulso ao resto de locais que nos quedan, porque queremos ter espazos públicos municipais onde sexa agradable que a nosa veciñanza poida estar para así seguir ofréndolles servizos e actividades sociais, culturais, deportivas, etc”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
