Luís Bará reprochou ao conselleiro a súa negativa a responder ás preguntas formuladas polo BNG e falta de transparencia sobre os expedientes dos proxectos eólicos adxudicados no concurso eólico do ano 2010 e non non executados
Santiago de Compostela, 21 de decembro, 2022. Pleno. O deputado do BNG, Luís Bará interpelou ao Vicepresidente 1º e conselleiro de Economía, Francisco Conde sobre “o trato de favor” á empresa Greenalia, na que traballan, grazas ás “portas xiratorias” dous exconselleiros do Partido popular.
Na súa intervención, o deputado preguntou ao titular de Economía polas monetarizacións de 22 parques por valor de 463,3 millóns de euros que as empresas se comprometeron a pagar polos proxectos e que o Goberno galego lles perdoou.
En opinión do nacionalista, o proceder do PP caracterízase polas “falcatruadas e chanchullos” e dende o BNG, recalcou, seguiremos exixindo os expedientes e preguntanto se van a actuar de oficio ou ben se van continuar ocultando esta información á que temos dereito. Queremos saber si van seguir “con esta estafa” para seguir favorecendo aos seus “amigos do lobby eléctrico”.
Bará tamén preguntou “que ten que agochar e a quen protexe o goberno galego” despois de favorecer a empresas con cambios legais, 62 cambios na lei de aproveitamento eólico do ano 2009, e cometer “ilegalidades e vulneración da lei” coa aprobación de parques eólicos como afirma a sentenza do TSXG e o Tribunal Supremo “anulando varios parques” e suspendendo cautelarmente outros.
Vostedes, enfatizou Bará,” asoballaron concellos, persoas e medio rural e natural”, e agora xa traspasaron “todos os límites” cun “trato de favor a empresa Greenalia” na que están sentados dous exconselleiros da Xunta de Galiza a través “das portas xiratorias”.
Por este trato de favor a Greenalia, vostedes, teñen unha denuncia de ADEGA presentada ante a Fiscalía por “presuntos delitos de malversación e prevaricación”.
O nacionalista lembrou que o concurso eólico do ano 2010 anunciado polo Partido popular como o maior Plan Industrial da historia de Galiza cun investimento de 13.600 millóns de euros e máis de 6.000 postos de traballo resultou finalmente “un gran fiasco ” e en dura competencia con PEMEX e con parecidas derivas xudiciais.
Neste concurso, explicou o deputado, a empresa Kaekias Eólica SA resultou adxudicataria de 75 MW para os parques Campelo e Lamas de Feás. Dado que non
se lle concederon os 108 MW solicitados, a empresa renunciou a executar o Plan
Industrial e optou por monetarizalo por 11.721.971 euros, que a empresa debería ingresar no fondo de capital risco SOGIGA do IGAPE en substitución do plan industrial.
No ano 2019, Greenalia solicita substituír o pago dos 11,7 millóns de euros por un plan industrial con varios proxectos por valor de 12,6 millóns de euros nunha operación, a xuízo do deputado “ilegal” e través dun proceso “cheo de irregularidades” e contrario a normativa da adxudicación dos parques do ano 2010. “O goberno renunciou a cobrar 11,7 millóns de euros e perdooulle a Greeanalia esta cantidade”, afirmou Bará.
Para o deputado, todo isto é só “a punta do iceberg” e demostra para quen goberna a Xunta do PP, “para as empresas do lobby eléctrico e para as portas xiratorias”, repetiu.
Luís Bará repreguntou ao conselleiro Conde si está disposto a entregar o expediente da monetarización, se vai revisar de oficio e anular a resolución do 2021 para aprobar un “plan industrial ilegal” e se reclamará a Greenalia os 11,7 millóns de euros que tentaron perdoarlle porque aínda están a tempo, advertiu.
Por outra banda, incidiu en saber se o goberno vai a abrir unha investigación interna para exixir responsabilidades políticas pola gravidade destes feitos denunciados por ADEGA, ante a Fiscalía e o BNG no Parlamento galego.
Dende o BNG, concluíu Bará, exiximos que se cumpra a lei, se defenda o interese público e que as empresas paguen polo que se comprometeron e remate, dunha vez o “trato de favor” ao lobby eléctrico e as empresas amigas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
