Burela, 1 de decembro de 2022. Teatro, exposición, obradoiro e musical infantís e concertos conforman a proposta cultural do Concello de Burela do 3 de decembro ao 14 de xaneiro. O concelleiro de Cultura, José Díaz, agarda que se xeren moitas vendas no comercio local, “movemento e moita ilusión” para o 2023.
O edil burelés contou que “desde a Delegación de Cultura queremos presentar a programación de Nadal. Tivemos unha reunión con comerciantes de Burela e coordinamos algunhas actuacións con eles para potenciar o comercio local, que é moi importante agora mesmo. Eles van facer o sorteo dunha viaxe entre os clientes que fagan as súas compras nos comercios da vila”.
Díaz explicou que “este mesmo sábado, 3 de decembro, teremos ao grupo de teatro de Viveiro Andanzas, que o fan moi ben e que presentará Baile de huesos, ás oito e media e con entrada gratuíta. O luns 5 temos, na sala de arte, unha exposición de acuarelas que se chama Creaturas, de Mercedes Maseda Pernas, quen nos presenta cadros de diferentes temáticas que poderemos desfrutar durante todo o mes. O sábado 10 teremos o obradoiro infantil de Brazolinda chamado Xogos de mesa en galego, de once a unha, na Casa da Cultura, tamén gratuíto. O venres 16, ás nove da noite, contaremos co grupo de teatro O Bordelo dirixido polo gran Paco Piñeiro, que presentará O covid do mariñán. É unha obra nova que estrearemos aquí e seguro que conta, como sempre, con moita asistencia, todos os grupos de teatro que dirixe o gran Paco Piñeiro teñen un seguimento incrible. O mércores 21, ás oito da tarde, haberá o concerto tradicional de Nadal da Escola Municipal de Música de Burela, e o xoves 29 ás sete da tarde teremos un musical infantil de bo nivel que se chama La gran aventura de los Reyes Magos da produtora Gaudium. As entradas xa están á venda en lagranentrada.com e no facebook de Cultura de Burela está o enlace directo para mercalas”.
O concelleiro de Cultura seguiu a relatar que “en Burela teremos tamén á charanga NBA, que estará polas rúas da vila e os locais de hostalería o venres 30 de seis e media a nove menos cuarto. Xa estiveron noutras ocasións en Burela e gustan moito. Nesta actividade apoiamos á asociación de comerciantes. Ademais en xaneiro o día 5 disfrutaremos doutro concerto, que tamén ten que ver coa asociación de comerciantes, no que actuará o grupo asturiano Rockvival, que fai versións dos anos 70 e 80 e penso que van gustar moito. Será ás oito da tarde na praza da Mariña, antes do sorteo dos comerciantes, e se estivera mal tempo fariámolo no auditorio. O sábado 7, ás seis da tarde, temos outra vez a Touriñán con Manuel Cortés, Isabel Garrido, Christian Escouredo, Xoan Forneas e Sergio Zearreta con Recortes, caneos e outras formas de canear. As entradas están á venda na taquilla.com. E tamén en xaneiro, o día 14 ás oito e media será a presentación en concerto de David Catá con Origen, que tamén será unha actividade gratuíta”.
José Díaz agarda que “con estas actividades ambientemos un pouco o Nadal e que haxa moitas vendas, movemento e moita ilusión de cara ao ano que ven”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
