Ribadeo, 5 de decembro de 2022. Un total de 21 establecementos asociados a Acisa participan nesta iniciativa que se prolongará ata o 18 de decembro baixo o lema Somos lo que damos, somos amor.
A presidenta de Acisa, Carmen Cruzado dixo que “tras a boa acollida das recollidas de alimentos dos anos anteriores e atendendo á petición de Cáritas en Ribadeo, desde Acisa consideramos que debíamos repetir esta iniciativa solidaria, que se basea en que todo aquel veciño ou veciña de Ribadeo que o desexe pode levar aos máis de vinte puntos de recollida, unha pequena colaboración en forma de alimento para que posteriormente Cáritas os reparta entre as persoas que o precisen”. A campaña arrincou o pasado 19 de novembro.
O xerente de Acisa, Jesús Pérez, insistiu en que “o que máis se necesita son alimentos básicos non perecedoiros como pasta, arroz, legumes, cacao, leite cun marxe longo de caducidade, potitos, galletas, cereais ou aceite”.
Cruzado Iglesias engadiu que “chega o Nadal e todos podemos poñer o noso grao de area. Sexamos solidarios sempre, pero tamén nestas datas. Lembrémonos de quen máis o necesita e axudémoslle con algo tan básico como son os alimentos”.
Os establecementos que participan nesta campaña solidaria son: Mercería Torviso, Panadería Torviso, El Rincón del Gordo, Kids&Us, Bar Queimada, Faro Norte Comunicación, Opticalia, Ribamueble, For Friends, R23, Farmacia Álvarez Lebredo, Galipizza, Xeito, Sargadelos, La Moda Joven, Farmacia Mª Euguenia Hermida, Fauna, Ginzo, Os Irmandiños, Susana Moreira y Hotel Restaurante Javier Montero.
Festivos esta semana
A Asociación de Comerciantes, Industriais, Servizos e Autónomos de Ribadeo informou ás súas asociadas e asociados sobre as posibles aperturas dos seus negocios os días 6 e 8 de decembro. Pérez Prada subliñou que “por lei está permitida a apertura as dúas xornadas. Sabemos que moitos abrirán as súas tendas o 6, outros o 8, algúns pecharán algúns deses días, outros so abrirán de mañá… deixámolo á súa elección”.
Desde Acisa animan “á veciñanza da comarca e aos visitantes a disfrutar de Ribadeo, porque esta vila conta cunha amplísima variedade de tendas e aquí sempre van atopar o que precisan. Ademais poderán gozar estes días de diferentes actividades, que complementarán a oferta de ocio e os atractivos turísticos, paisaxísticos e gastronómicos de Ribadeo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
