O mercado de produtos artesanais e de proximidade celebrarase na praza do concello o vindeiro domingo 11 de decembro entre as 11 e as 20 horas. Haberá un posto de venda de libros de segunda man, cedidos polos centros escolares e particulares, cuxa recadación se destinará á Asociación de Saúde Mental A Mariña
Barreiros, 9 de decembro de 2022. O Concello de Barreiros dálle a benvida ao Nadal poñendo en marcha un mercado de produtos artesanais e de proximidade que se celebrará o vindeiro domingo en horario de 11 da mañá a 8 da tarde.
A alcaldesa, Ana Ermida, pon en valor esta iniciativa por tratarse dun “escaparate no que os produtores e artesáns de proximidade poden achegarse á poboación barreirense, servindo como promoción; pero especialmente, pondo en valor a calidade de quen produce a carón de nós, con produtos de primeira e cun sistema de produción que reverte no territorio.” “Trátase de amosar que aquí ao lado hai moi bos produtos, que non teñen nada que envexar a quen ten posibilidades de promocionarse con grandes campañas de publicidade, e que só precisan de ter espazos onde abrir un mercado de proximidade que aposte por un consumo máis responsable. É polo tanto un intento de poñer o concello de Barreiros ao servizo dos produtores locais que agardamos que sexa exitoso e poida repetirse noutras ocasións”, asegura a rexedora.
Durante a xornada, que acollerá postos de artesanía tanto de decoración como de alimentación, tamén se desenvolverán actuacións musicais e dirixidas ás crianzas. Así, ás 12:30 terá lugar a actuación do grupo “Condensadores de fluzo”. Ademais, en dito espazo celebrarase un obradoiro de xoguetes tradicionais ás 16:30 a cargo de Manolo García e a partir das 17:30 repartirase chocolate quente. As actividades rematarán ás 18:00 coa actuación para público infantil “A vida tola de Pajarito”.
Entre os postos que se poderán atopar no mercado, destacan produtores locais como o Mel Alival, a Pastelería artesá Obradoiro, a Huertina de Yan, a churrería de Telmo ou a cervexería Augas Santas; que compartirán espazo con outros postos de proximidade coma Chocolates Moreno, Queixería Gabino, O Ferrado Marelo ou Larpeiradas Galegas.
Haberá tamén espazo para a artesanía e agasallos da man de EvE e Elr, Cantos Artesanía, Pompas Pompis ou Isabel Alvariño.
Sen dúbida, algúns dos espazos máis visitados serán os postos que montarán a Asociación de Saúde Mental A Mariña, onde venderán artesanía e lambetadas de elaboración propia, e o rexentado polo alumnado do CEIP de San Cosme, que venderán doces de nadal para recadar fondos para a viaxe de fin de curso.
O concelleiro de dinamización, Dani García, explica que “esta iniciativa naceu da crenza de que en Barreiros ten cabida un espazo que poida servir como escaparate dos produtos locais e de proximidade, poñendo así en valor a elaboración feita no propio territorio.”
A partir das 16:30 tamén contarán con unha bola de neve xigante que poderá ser usada como photocol para introducirse nela e tomar fotos de lembranza deste día.
Espazo para a colaboración e a solidariedade
García tamén sinala que “no propio mercado vai haber espazo para a colaboración e a solidariedade. Xa que ademais dos postos da Asociación de Saúde Mental e do alumnado do CEIP de San Cosme, aos que se lles poderá axudar; o propio Concello de Barreiros puxo en marcha un proxecto de intercambio e colaboración, mediante a posta a disposición de libros cedidos por particulares e por ambos centros escolares que serán postos á venda polo simbólico prezo de 2€, e cuxa recadación se destinará á Asociación de Saúde Mental”.
Unha axenda chea de citas para o Nadal
Este primeiro evento dará paso a unha axenda chea de citas durante todas as festas en Barreiros. O día 14, dez días antes de Noiteboa, acenderanse o decorado luminoso. O día 17, as nenas e nenos poderán recibir a visita do Apalpador da man do Colectivo Cultural Ollomao. O 24, será a quenda de Papá Noel e tamén o 5 de xaneiro percorrerán Barreiros as Súas Maxestades de Oriente. Entre tanta visita, quedará tempo para actividades deportivas, viaxes para as crianzas ou o concerto do coro local Airiños do Mar.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
