A Asociación Saúde Mental da Mariña felicita as festas do Nadal ao Concello de Cervo

Os integrantes da asociación acudiron ao concello para felicitar as festas cun persoal agasallo

Cervo, 30 de decembro de 2022. O rexedor Alfonso Villares, e a edil de Cultura, Dolores García Caramés, recibiron aos integrantes da Asociación Saúde Mental da Mariña para a súa tradicional felicitación do Nadal.

Os membros da asociación quixeron acudir persoalmente ao concello para felicitar estas fechas tan sinaladas a través dunha postal propia do Nadal e un agasallo dun estilo semellante aos habitualmente elaborados dentro das actividades do centro.

Todos eles puideron desfrutar dunha agradable charla co alcalde e, ademáis, recibiron o xa tradicional calendario que o Concello de Cervo está a repartir polo municipio para este novo ano 2023.