Neste mes de novembro desenvolverase un amplo programa de actividades para traballar na promoción e divulgación do coñecemento e os valores do mar e dos ríos
Viveiro, 10 de novembro. O Concello de Viveiro pon en marcha un ano máis Vivemar, a iniciativa pola cultura marítima e fluvial de Viveiro que durante este mes de novembro traballa na promoción e divulgación do coñecemento e os valores do mar e dos ríos.
“Queremos facer de novembro o mes do mar en Viveiro, tendo como base principal o obxectivo de continuar transmitindo a cultura marítima e fluvial aos nenos e nenas e de aí a necesidade de facer un encontro educativo”, suliñou María Loureiro, alcaldesa de Viveiro no acto de presentación.
Este proxecto, promovido no 2018 polo Concello de Viveiro, pasa neste 2022 a ser producido por Asociación Prato-Do e Lobisome Producións, e contarán coa colaboración da Deputación de Lugo, Puerto de Celeiro, Viveiro CCH, Africa Copias, Viveiro Cines by Proyecfilm, Educación Azul, La España Azul e o propio Concello.
As VI Xornadas de Historia e Arqueoloxía Marítima que entre mañá venres e o domingo reunirán no Salón de actos do Conservatorio Profesional de Música de Viveiro a expertos e estudosos da materia, servirá como punto de saída a unha axenda chea de iniciativas e de propostas.
A programación terá continuidade o venres 18 coa presentación do libro ‘Mar gremial das rías de Viveiro e do Barqueiro’ de Vicente Míguez, a partir das 20:30 horas, mentras que ás 22:00 emitirase o documental ‘Paco Alonso. O mal nos ollos’ nos Cines Viveiro.
Para o sábado 19, ás 11:00 horas, resérvase o encontro ‘Cultura Marítima: elaboración do catálogo de recursos na Mariña de Lugo’ baixo a moderación de Dane García, e xa ás 12:00 horas a mesa redonda ‘Conversa entre Artes: Que foi e pode ser da pesca en Viveiro?’ coordenada por Anxo Rodríguez, director do programa da TVG ‘Vivir o Mar’.
Ás 12:50 horas, a Sala Multiusos do Concello de Viveiro acolle a presentación da revista ‘Nova Ardentia’ con Emilio Insua, Antón Mascato e Dane García.
Será o domingo día 20 cando se leve a cavo un roteiro guiado polo patrimonio marítimo de Viveiro que sairá de Os Castelos de Covas con chegada a Celeiro.
As citas deste Vivemar 2022 continuarán o venres 25 cun encontro educativo e a limpeza colectiva cos proxectos nacionais ‘Educación Azul’ e ‘La España Azul’, seguido ás 18:00 horas da iniciativa ‘Historias románticas do mar’ de Suso Martínez.
O domingo 27, ás 12:30 horas, será de novo momento para as presentacións, neste caso do libro ‘Tarrafas, Un Arte’ de Andrés Díaz Ferro, un acto moderado por Jesús Fernández, tenente de alcalde e concelleiro do mar do Concello de Viveiro.
Será ás 13:30 horas cando teña lugar o acto de clausura ‘Vivemar: vide cantar’ da man de Catro Vellos Mariñeiros na Praza Maior.
Imprescindibles tamén os escaparates da cultura marítima e fluvial na Libraría África Copias.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
