O voceiro, Manuel Rouco, explica que “son 48 edificación as que se atopan en risco entre as que se atopa o complexo deportivo da Marosa ou a Edar”
Burela, 9 de novembro de 2022. O Grupo Municipal Popular de Burela interesarase no vindeiro pleno por coñecer a postura do goberno local socialista con respecto ao novo regulamento de Costas que plantexa o Goberno e que afecta a 48 edificacións do municipio. A Xunta xa anunciou recurso ante o Tribunal Supremo despois de que o Goberno rexeitase as alegacións presentadas por Galicia.
Os populares cren necesario que o goberno local lle explique aos bureleses se está a defender os seus intereses ou non. De feito, consideran que os seus feitos demostran un “compromiso nulo cos bureleses” ao “non asistir ningún representante do goberno do señor Llano á reunión convocada pola consellería de Medio Ambiente o mes pasado en Lugo para poñer puntos en común de cara á nova lei de ordenación do litoral de Galicia coa que a Xunta pretende acadar o autogoberno nesta materia”.
O voceiro, Manuel Rouco, cre que “pouco ou nada lle interesa a situación dos afectados, o plantexamento sobre as competencias do litoral ou o mantemento da actividade no complexo deportivo da Marosa; xa que unha parte si se ve afectada ao asentarse en terreos de dominio público marítimo-terrestre”.
EDAR
Outra instalación pública afectada é a estación depuradora de augas residuais (EDAR) de Burela; aínda que “o goberno do señor Llano non parece estar moi interesado en executar esta obra”.
Así o consideran dende o PP local tendo en conta que “o goberno local socialista non remitiu aínda a documentación requirida dende fai máis de seis meses para que a Xunta poda avanzar na mellora do sistema de saneamento, a actuación do novo colector”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
