Ribadeo, 14 de novembro De 2022. O alcalde ribadense, Fernando Suárez, e a alcaldesa de Trabada, Mayra García, asinaron esta mañá no Pazo de Ibáñez o convenio de colaboración para o subministro de auga a varias parroquias trabadenses a través da acometida municipal de Ribadeo.
O rexedor contou que “logo de telo aprobado nos respectivos plenos das Corporacións de Trabada e Ribadeo, e ademais por unanimidade, acabamos finalmente de proceder á sinatura dun importantísimo convenio de colaboración entre os dous Concellos no tocante ao subministro de auga a varias parroquias de Trabada a través da acometida municipal de Ribadeo, que capta a auga precisamente desde o Río Eo, no lugar de Vilarbetote”.
Suárez Barcia dixo que “con este acordo recíproco imos normalizar e afianzar os compromisos mutuos de boa veciñanza que redundan sempre na mellora dos servizos públicos para os veciños e veciñas de ambos os dous Concellos”.
O alcalde explicou que “con este convenio o Concello de Ribadeo adquire o compromiso de prestarlle un servizo integral de subministro, mantemento, control analítico, lectura de contadores e facturación, das parroquias do Concello de Trabada de Vilarbetote, Sante, A Rabexa, Pedrido, Pacios, San Martiño e Vilafernando, que se abastecen da traída de Ribadeo. E por outra banda, o Concello de Trabada comprométese á renovación das súas redes de distribución de auga”.
Fernando Suárez subliñou que “o obxectivo fundamental desta medida é a preservación dos recursos hídricos, sempre escasos, sobre todo no verán nesa zona e que segundo os estudios realizados presenta un elevado numero de fugas. En definitiva, o que se persegue é máis control, máis coordinación para aforrar recursos hídricos, e consecuentemente económicos, o que vai mellor a eficacia e a eficiencia neste servizo público de primeira necesidade”.
O rexedor indicou que “estes acordos agora asinados cobrarán efectividade no seguinte período concesional da auga que leve adiante en breve o Concello de Ribadeo, dado que o actual remata a principios de 2023. Desde o Concello xa levamos tempo traballando arreo cos servizos técnicos e xurídicos municipais para licitar este novo servizo de acordo co disposto na Lei de Contratos do Sector Público”.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
