O avó Emiliano cumpre… 70 anos!
O avó cumpre 70 anos e os Bolechas queren facerlle a mellor festa do mundo. E non hai festa sen torta pero vai ser difícil poñerse dacordo nos ingredientes da torta de aniversario. Carlos quere botarlle chourizo pero Pili non o ve claro… E hai que poñer 70 candeas ! Terá que ser unha torta xigante.
Hai moitos temas que tratar e os Bolechas van precisar axuda , así que botarán man do público , como é habitual, para celebrar a mellor festa de aniversario.
O sábado todas as nenas e nenos que o desexen poden celebrar o aniversario do avó Emiliano. E, como non, pasalo en grande cos Bolechas nun espectáculo tradicional que reúne diversión e aprendizaxe con monicreques e participación activa do público para gozar en familia.