O adestrador Julio Delgado prepara ás súas xogadoras máis xoves, Dasha e Claudia, que xogaron gran parte do encontro
Burela, 19 de novembro, 2022. Esta mañá, ás 12.00 horas tivo lugar o encontro CD Burela FS – Joventut d’Elx CBV no pavillón Vista Alegre de Burela. O mellor equipo do mundo enfrontábase a un dos equipos situados máis á cola na clasificación da Primeira Federación de Futsal Feminina, como era de esperar o partido rematou 7-2 a favor do equipo laranxa e permiteu desfrutar ao grande público do Vista Alegre de moitos minutos de xogo das xogadoras máis xoves do Burela FS, Dasha e Claudia, das categorías xuveniles do club, que deron a talla tal e como era previsto polo adestrador Julio Delgado, que asegura que “era un partido no que podían ter minutos, son partidos nos que me gusta que as xogadoras sintan a presión”, decidindo sacalas co marcador 0-0, Dasha no minuto 8, para “que sentiran un pouquiño a presión porque é o que teñen que sentir despois cando vaian medrando e teñan a oportunidade de xogar en Primera División de forma continua”. Asegura que todo o equipo vai intentar facer todo o posible para conseguilo e que elas están respondendo moi ben.
O partido comeza algo atascado, cunha oportunidade de Irene Samper no minuto 4 pero o equipo burelao “non consegue dar na tecla” ata o minuto 12 no que, trais unha grandiosa carreira de Emilly practicamente dende a portería local, Sasha mete en propia porta e abre o marcador 1-0 a favor das locais. Uns segundos despois, de novo Emilly suma outro gol ao seu ranking da temporada (12) e o 2-0 que anima ao seu equipo a continuar a goleada coa que remata o encuentro, xa que de novo no minuto 13, Dany suma o 3-0, no 16 Antía o 4-0 e no 29 Mariia despista a Jozi co primeiro gol do equipo visitante. Ímonos ao descanso 4-1.
No minuto 25 da segunda parte, Jenny suma o 5-1 e continúa con outra oportunidade no mesmo minuto e o 5-2 por parte de Lydia. No minuto 31, de novo Antía Pérez pon o marcador 6-2 e para rematar, no último minuto, volve unha moi grande Dany e sentencia o 7-2 final. Un partido mentalmente espeso pero con moitos goles e que dá ao CD Burela FS 3 puntos na clasificación.
Ficha Técnica:
CD Burela FS: Jozi, Dany. Cilene, Irene Samper, Emilly, – cinco inicial- Claudia, Jenny, Antía, Patricia, Caridad.
Marín Futsal: Judit, Ceci, Aitana, Lydia, Sasha, – cinco inicial- Anais, Sara, Lucía del Río, Mariia.
Goles: Min.11 Sasha 1-0; Min.11 Emilly 2-0; Min.12 Dany 3-0; Min.15 Antía 4-0; Min.18 Mariia 4-1; Min.25 Jenny 5-1; Min.25 Lydia 5-2; Min.30 Antía 6-2; Min.39 Dany 7-2.
Equipo Arbitral: Roberto Segundo Amor Vizoso, Iria de Luis Iglesia, Pablo Coello Martínez, Andrea de Luis Iglesia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
