A frente nacionalista estabelece como prioritario levar a cabo as infraestruturas recollidas na “Mesa polas Infraestruturas da Mariña”: modernización do FEVE, construción da A-74, liberación do dique norte para usos comerciais ou mellora da N-642 e a N-634
Madrid, 20 de novembro de 2022. O deputado do BNG no Congreso, Néstor Rego, presenta as emendas rexistradas aos Orzamentos do Estado para 2023 para a comarca da Mariña co obxectivo de superar o déficit en materia de infraestruturas e superar a crise industrial que atravesa. Destaca a necesidade de executar e rematar todas as obras pendentes comprometidas co norte de Lugo para o desenvolvemento socioeconómico da comarca e salvar o futuro da Mariña. Alén do máis, volve presentar unha emenda para a intervención pública da planta de Alcoa dotando esta partida de 200 millóns de euros para reactivar a actividade industrial da comarca.
“As infraestruturas son un elemento fundamental para o desenvolvemento socioeconómico de calquera territorio. A Mariña, que posúe enormes potencialidades, arrastra unha discriminación histórica con numerosas obras pendentes e por iso reclamamos un incremento do investimento do Estado” destaca o deputado do BNG. Como infraestrutura chave, rexistran emendas con partidas suficientes para todos os tramos da futura A-74: San Cibrao-Burela, Foz-Burela, Foz- O Carme, O Carme-Barreiros, así como a construción dun enlace desde o polígono industrial de Barreiros.
Paralelamente, reclaman a mellora do firme da N-634, sobre todo entre os termos municipais de Lourenzá e Barreiros, e a prolongación do terceiro desta estrada até a rotonda de enlace coa A-8, no Alto da Xesta, co obxectivo de “mellorar a seguranza viaria e favorecer a fluidez do tráfico”.
En materia de seguranza viaria, a frente nacionalista rexistra a incorporación dunha partida para a súa mellora na N-640 ao seu paso polo concello da Pontenova. “A estrada atravesa o casco urbano e sitúase entre as vías máis perigosas do Estado pola intensidade media de circulación e o número de accidentes. É preciso adecuar a sinalización -axustándoa a nova normativa- e limitar a velocidade a 30 km/h estabelecendo pasos elevados ou a colocación de semáforos ámbar” afirma o portavoz municipal do BNG, Xosé Lois Gutiérrez Rivas.
“O mesmo acontece no termo municipal de Riotorto e entendemos preciso unha adecuación e accesos da N-640 á estrada que une A Órrea co Courel e Galegos” explica o voceiro da organización nacionalista en Riotorto, Luís Fernández Fernández.
Ademais, a frente nacionalista demanda a modernización da liña do FEVE entre Ferrol e Ribadeo, actualizando as infraestruturas e incrementando as frecuencias para que funcione como un verdadeiro servizo de tren de proximidade como alternativa de transporte sustentábel. “Esta liña articula o norte do país e ten enormes potencialidades tanto para os transportes de mercadorías como para os usuarios e usuarias” afirma Néstor.
Por outra banda, a organización nacionalista propón a “redacción dun proxecto para a adaptación do dique norte San Cibrao-Morás para a súa futura liberación con fins comerciais”. Alcoa ten exclusividade até 2022 na utilización deste porto, o de maior calado da comarca, mais existe un consenso amplo para a súa liberación “o que permitiría levar a cabo unha actividade comercial portuaria independente ou complementaria á que desenvolve na actualidade a multinacional”.
En materia medioambiental, o deputado nacionalista destaca unha emenda para levar a cabo un saneamento das rías galegas para aumentar a súa capacidade produtiva e eliminar todos os vertidos que, durante anos, se produciron na costa galega.
Reactivar a actividade industrial na Mariña
“O ano pasado defendíamos a incorporación nos Orzamentos do Estado unha partida para a intervención pública de Alcoa e este ano volvemos insistir neste tema porque, cando termine o proceso de suspensión da actividade pactado, será preciso analizar as posíbeis solucións que permitan a continuidade e mantemento dos postos de traballo” afirma o deputado do BNG. Rego sinala que, para a formación nacionalista, a única opción máis viábel e fiábel é a intervención pública por parte do Estado.
Impulsar Barreiros a través de infraestruturas e servizos
Ademais da construción do enlace da futura A-74 co polígono industrial, a alcaldesa de Barreiros, Ana Ermida, defende a necesidade de construír unha nova Estación Depuradora de Augas Residuais (EDAR) para atender a demanda deste servizo durante os veráns e evitar os vertidos directos ás praias. “En época estival Barreiros chega a triplicar a súa poboación -de 3.000 a preto de 10.000 habitantes- e, ao carecer dunha infraestrutura que posúa a capacidade depurar as augas, está a provocar problemas de salubridade e prohibindo o baño en numerosas ocasión na praia de Arealonga” explica Ermida. O elevado custo da obra non é asumíbel polo Concello polo que é necesario que outras administracións -como o Goberno do Estado- participe na financiación da obra.
“Queremos que se constrúa un Centro de Interpretación do Círculo Lítico após o seu descubrimento durante as obras de construción da autovía A-8 no tramo Baamonde-Ribadeo” demanda a alcaldesa. Esta estrutura prehistórica con forma circular inclúe un foso e un terraplén era empregado para rituais. “O Ministerio comprometeuse a musealizar este enclave patrimonial mais, 16 anos despois do seu descubrimento, aínda non fixo nada” denuncia.
En materia mediambiental, a frente nacionalista demanda a restauración do caudal e as marxes do río Masma ao seu paso polos termos municipais de Barreiros e Foz. Na actualidade, este río, caracterizado pola abundancia de troitas e salmóns, atópase nun estado de abandono onde a maleza avanza e as árbores caen. “Debe levarse a cabo unha actuación integral neste espazo para evitar a degradación medioambiental deste espazo natural de gran riqueza ecolóxica e paisaxística” incide.
Mellorar a seguranza viaria no concello de Foz
O termo municipal de Foz posúe de numerosos puntos negros e unha intensidade media diaria. Neste sentido, o BNG rexistra emendas para que o Ministerio de Transportes, Mobilidade e Axenda Urbana leve a cabo tres actuacións con urxencia. “Propomos a construción dunha rotonda-enlace entre a N-642 e a LU-152 na Corredoira á entrada de Foz, así como a mellora no cruzamento en Cangas de Foz coa estrada LU-162 ao representar un punto con gran perigo para os peóns ante o elevado tráfico rodado” explica o tenente alcalde de Foz, Xavier Fanego Bermúdez.
Ademais, Fanego demanda a mellora dos accesos da N.642 no cruzamento de Ribela e A Gralleira na parroquia de Cangas de Foz. “É necesaria unha modificación deste perigoso cruzamento para facilitar a mobilidade dos peóns e o acceso de vehículos dos barrios próximos” afirma o tenente alcalde.
Proxecto de futuro en Ribadeo
Pola súa parte, o alcalde nacionalista en Ribadeo, Fernando Suárez Barcia, anuncia as propostas rexistradas para levar a cabo no concello lucense para favorecer o desenvolvemento socioeconómico e a preservación do medioambiente. “Defendemos a construción do acceso central ao carril de acceso ao Porto de Ribadeo co obxectivo de evitar o paso de camións con madeira e outros produtos por zonas moi transitadas por peóns e outros vehículos máis lixeiros” indica. Así mesmo, a frente nacionalista demanda a redacción dun proxecto para a execución dunha saída directa de Ribadeo dirección Asturias pola A-8 que evitaría a circulación de vehículos pesados polo centro de poboación.
“O Goberno do Estado comprometeuse, mediante a redacción dun proxecto, a executar a obra para a rexeneración e rehabilitación dunha serie de cetarias denominado `Ruta das Cetarias de Rinlo´ dotado de 400 mil euros, actuación integrada nun proxecto máis amplo vencellado á valorización como atractivo turístico destes elementos patrimoniais localizados na parroquia mariñeira de Rinlo e a Praia das Catedrais” demanda o alcalde de Ribadeo, Suárez Barcia.
Por último, a organización do BNG rexistra unha emenda para que se leve a primeira fase de rehabilitación como senda verde do ferrocarril mineiro entre Ribadeo e A Pontenova. “Esta actuación é fundamental para o desenvolvemento socioeconómico e medioambiental dos concellos por onde percorre o tramo ferroviario” defende Rego.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
