Sábado, 19 de novembro 2022. A sanidade pública de todo o país está a pasar por un dos peores momentos con múltiples problemas tanto na atención hospitalaria, coma na atención primaria. Como é sabido, as políticas sanitarias do Partido Popular levaron a esta situación que se fai notar, e dun xeito moi acusado na nosa comarca, na Mariña, e esta situación agrávase especialmente no servizo de atención pediátrica que ao longo do ano veu afectando a Xove, Cervo, Burela, Barreiros, Lourenzá, Mondoñedo…..e varia localidades mais prácticamente en situación de colapso e a situación mais grave, a destes días en Viveiro, donde faltan os dous pediatras que atenden o centro de saúde e que atenden tamén a Ourol e O Vicedo, o que provoca a indignación de veciños e veciñas que denuncaron esto públicamente.
A atención pediátrica, colapsada, o PP sen resposta
Para o BNG, no servizo de atención pediátrica chove sobre mollado, pois tal como afirma o deputado mariñao Daniel Castro “levamos ao Parlamento en mais dunha ocasión esta problemática, a última o pasado 9 de novembro, donde denunciamos o colapso deste servizo na Mariña e no conxunto do país e o PP rexeitou comprometerse a tomar todas as medidas necesarias para garantir a asistencia pediátrica ás nenas e nenos”. Castro explicou tamén que os populares neganse a levar a cabo as accións oportunas para garantir o número de prazas MIR en pediatría suficientes para cubrir o total de prazas que garanta a atención completa de nenas e nenos. “O único ao que se comprometeu o PP nesa sesión parlamentaria foi a presentar nun prazo máximo de tres meses un informe sobre o estado actual dos servizos de pediatría” manifestou o deputado mariñao.
Apoio ás mobilizacions
Desde o BNG comarcal animan á cidadanía a participar nas concentracións que nos vindeiros días se van desenvolver na comarca, convocadas pola Plataforma en Defensa da Sanidade Pública da Mariña e por SOS Sanidade Pública, que empezarán este domingo día 20 no centro de saúde de Viveiro e continuarán por outros concellos nos vindeiros días en defensa da atención primaria e especialmente da atención pediátrica.
Así mesmo o responsable comarcal do BNG Antonio Veiga anima tamén a todas as mariñás e mariñaos a asinar os pregos da ILP pola mellora da atención primaria, nas recollidas de sinaturas que se realizan nas diferentes localidades.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
