Ribadeo, 7 de novembro de 2022. La coartada, obra da prestixiosa autora estadounidense Christy Hall versionada e dirixida por Bernabé Rico, está de xira por toda España e este sábado, 12 de novembro, ás 20:00 horas representarase no auditorio municipal Hernán Naval, de Ribadeo. Os intérpretes son os recoñecidos actores María Castro, Dani Muriel e Miguel Hermoso.
As entradas xa están á venda na web de Game Over Productions (www.gameoverpro.es) e tamén poderán comprarse na taquilla do auditorio municipal ribadense desde unha hora antes da función. O prezo é de 17 euros (IVE incluído).
A galega María Castro comezou a súa carreira artística na emblemática serie da Televisión de Galicia Pratos combinados. Despois trasladouse a Madrid e participou en series tan exitosas como Sin tetas no hay paraiso, en Tele 5 (traballo polo que obtivo o premio Ondas 2009 á mellor actriz), Tierra de Lobos, Vive cantando, Seis hermanas, Ella es tu padre e Amar es para siempre. En cine salientan os seus papeis nas películas Días azules, Combustión e Los muertos van deprisa, esta última rodada en Ribadeo. E entre os seus traballos teatrais destaca a súa actuación en La ratonera, de Ágatha Christie, dirixida por Víctor Conde, papel polo que María Castro foi nominada aos Fotogramas de Plata e TP de Oro como mellor actriz de teatro.
Dani Muriel é moi popular polos seus traballos en televisión desde 1999, cando empezou a facer papeis cómicos no programa Noche de fiesta. Posteriormente participou en series tan exitosas como Escenas de Matrimonio, Gym Tony, Servir y proteger ou Amar es para siempre. En cuanto a su paso por el teatro, cabe destacar os seus traballos no musical Cabaret, en Las Heridas del Viento e en Los miércoles no existen. Polos seus papeis nestas dúas últimas obras foi nominado pola Unión de Actores como mellor actor secundario e como mellor actor de reparto respectivamente. En cine destacan as súas actuacións en El inconveniente, Las heridas del viento e Diamantes negros. Por esta última película foi premiado pola Unión de Actores como mellor actor de reparto.
Miguel Hermoso Arnao comezou a darse a coñecer entre o gran público en 1996 pola súa participación na serie de Tele 5 El súper. Desde entón compaxina teatro, televisión e cine, con especial éxito na tele grazas a series como Raquel busca su sitio, Cuéntame ou, sobre todo, Yo soy Bea, que protagonizou entre 2006 e 2009. Na gran pantalla participou en películas como GAL, La vida en rojo ou Ni pies ni cabeza. Ademais traballou en numerosas obras de teatro, como La vida es sueño, La prueba, Excusas, Ojos bonitos, El gran regreso, Fiel, ¡A saco!, La avería, Don Juan Tenorio, La familia de Pascual Duarte, El padre, Aquiles, el hombre ou La culpa. Entre outros premios logrou o da Unión de Actores en 2002 como mellor secundario na obra La prueba.
A protagonista de La coartada é Ana, “unha muller ao límite. Divorciada e atormentada polo seu pasado, pide axuda ao su mellor amigo para prepararse a testificar na que será a declaración máis importante da súa vida. Dela dependerá no só a custodia da súa única filla senón tamén a súa propia liberdade. Ao longo da noite o enfrontamento descarnado cos seus propios demos revelará ata onde é capaz de chegar para evitar o peor de todos os seus medos: o silencio”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
