Felicitou ao alcalde e os veciños e veciñas da Fonsagrada por acadar este investimento, que dinamizará a vida cultural do Concello e ampliará a súa oferta turística
A Fonsagrada, 4 de novembro de 2022. O delegado do Goberno en Galicia, José Miñones, anunciou hoxe que a cidadanía da Fonsagrada disporá dun novo espazo público de uso social e cultural grazas ao Plan de Recuperación, Transformación e Resiliencia do Goberno. José Miñones desprazouse ata este Concello xunto coa subdelegada na provincia, Isabel Rodríguez, onde presentou a reforma do antigo consistorio municipal, que acaba de obter unha subvención de 182.959,30 euros do Programa PIREP Local, xestionado polo Ministerio de Transportes, Mobilidade e Axenda Urbana.
José Miñones felicitou ao alcalde da Fonsagrada, Carlos López, e ao conxunto dos veciños e veciñas por esta subvención, coa que A Fonsagrada gaña un novo espazo para a dinamización cultural do Concello e ademais, ampliará a oferta turística do municipio. O delegado avanzou que o edificio albergará non só a nova Oficina de Turismo senón tamén o futuro Museo de Antonio Fraguas, Forges, co que A Fonsagrada recoñece a este artista gráfico tan vencellado á localidade.
Este investimento enmárcase no PIREP Local, o programa de axudas que o Ministerio de Transportes, Mobilidade e Axenda Urbana (Mitma) puxo en marcha para apoiar a entidades locais na rehabilitación de edificios públicos da súa titularidade. José Miñones puxo este programa como exemplo da aposta do Goberno de Pedro Sánchez polo municipalismo financiando a creación e prestación de servizos públicos locais. “Hoxe temos aquí un dos exemplos máis recentes da colaboración do Goberno cos municipios galegos. Falamos de proxectos que supoñen un antes e un despois para os servizos públicos que dan os concellos de España e de Galicia. Este é o caso da Fonsagrada, e é o caso do resto dos 34 proxectos que imos financiar con máis de 27 millóns de euros en Galicia, sete deles nesta provincia de Lugo”, destacou Miñones.
Así mesmo, José Miñones subliñou a importancia destes investimentos para os concellos pequenos e destacou o caso da provincia de Lugo, onde que “seis dos sete proxectos que imos financiar con este programa son de concellos de menos de 5.000 habitantes”. En total, na provincia de Lugo financiaranse actuacións en sete concellos cunha aportación conxunta de case 3,3 millóns de euros. “Falamos de proxectos nos que ten un peso moi importante a sostibilidade ambiental pois un dos obxectivos do Programa é promover edificios públicos máis eficientes enerxéticamente xunto coa accesibilidade e a cualidade arquitectónica”, apuntou o delegado.
Internet de alta velocidade co Programa Único Banda Ancha
José Miñones avanzou que A Fonsagrada está incluída nas dúas convocatorias -2021 e 2022- do Programa UNICO Banda Ancha para a dotación de internet de alta velocidade que xestiona o Ministerio de Asuntos Económicos e Transformación Dixital e que tamén forma parte do Plan de Recuperación, Transformación e Resiliencia.
O Goberno financia con este programa ata o 90% dos custos (tecnolóxicos, obras, permisos, etc.) nos que incorren as empresas tecnolóxicas para levar a conexión de alta velocidade (superior a 300mb) a zonas sen cobertura. Entre as dúas convocatorias do Programa ÚNICO, o Goberno posibilitará a conexión de alta velocidade de 2.829 vivendas e empresas da Fonsagrada.
“Estamos a falar de garantir a conectividade máis de 300 megas á práctica totalidade do territorio deste municipio, en 744 zonas que hoxe non dispoñen deste tipo de cobertura, esencial no mundo actual”, salientou Miñones.
O Ministerio de Asuntos Económicos adxudicou provisionalmente a execución dos proxectos na provincia de Lugo desta segunda convocatoria á empresa Adamo. O Ministerio achegará 12,3 millóns de euros do total de 17,5 millóns que costa a totalidade do proxecto e que levará a banda ancha de alta velocidade a 32.670 vivendas e empresas da provincia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
