Burela, 11 de novembro, 2022. Tralas experiencias publicitarias dos últimos anos en Madrid e Barcelona, ‘Merluza D& Burela’ desembarca nas principais cidades de Castela e León coa súa última campaña “Faino por amor”.
A Organización de Produtores Pesqueiros do Porto de Burela elixiu Castela e León para o lanzamento desta campaña ao tratarse dun mercado de proximidade para as súas marcas. Alí sae á rúa a última campaña de ‘Merluza D& Burela’ co propósito de namorar aos consumidores co seu novo enfoque: “A quen amas de verdade, queres darlle o bo de verdade”.
Por iso durante as últimas semanas as principais cidades desta comunidade autónoma enchéronse de mensaxes apetitosas e saudables como “Faino por amor” ou “Aliméntaos con amor”, xa que o público obxectivo da campaña son as familias con nenos. Así se reforzan as súas mensaxes clásicas de calidade do produto, saúde da dieta atlántica e sustentabilidade pola súa arte de pesca con anzol peza a peza.
E ademais faio utilizando medios ecolóxicos no seu lanzamento, xa que sae “literalmente” á rúa sobre bicicletas con mupis que percorren as principais rúas, prazas e zonas de lecer familiares de Castela e León con mensaxes directas e visuais dirixidas aos adultos, pero centradas na dieta dos máis pequenos da casa.
“Trátase de achegar a marca Merluza D& Burela ás nais e pais para que, ademais do sabor e a saúde, descubran a importancia de facer as cousas dunha forma tradicional e sostible”, defenden desde a OPP-7.
A campaña utiliza as rúas como gran escaparate, con accións de ‘street márketing’, cartelería, mupis e circuítos dixitais na internet; con imaxes de receitas sinxelas e saborosas de pescada do pincho, presentadas nunha vaixela especial en forma de corazón que conecta co lema da campaña “Faino por amor”.
Esta campaña da Organización de Produtores Pesqueiros Porto de Burela inclúese no seu plan de produción e comercialización, realízase en colaboración con Armadores de Burela e está cofinanciada pola Xunta de Galicia e o FEMP.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
