Nas xornadas estiveron a abordarse temas como o proceso de dixitalización das empresas, a comunicación entre as empresas e os centros de Formación Profesional e a incorporación do vehículo eléctrico, entre outros contidos. Os técnicos turcos e croatas visitaron estes días diferentes institutos e firmas da comarca “para ensinarlles o sistema educativo español e os sistemas produtivos”, segundo explicou Sandra Gómez, a responsable de proxectos de Mobilidade Erasmus + de Apaga.
Hoxe pola mañá houbo un acto de benvida por parte do alcalde de Ribadeo, Fernando Suárez, nas instalacións de Apaga. E esta noite terá lugar unha cea con empresarios da Mariña.