A iniciativa dos populares saíu adiante no pleno deste mércores co voto favorable de todo os grupos da corporación
A Fonsagrada, 9 de novembro de 2022. En apoio ao sector agrogandeiro do municipio, o Grupo Municipal Popular da Fonsagrada defendeu no pleno deste mércores unha proposta para iniciar o procedemento administrativo de cara á modificación do Imposto de Bens Inmobles (IBI) para que recolla unha bonificación ás edificacións nas que se desenvolvan actividades agrarias ou gandeiras. A iniciativa saíu adiante por unanimidade.
Os populares da Fonsagrada teñen amosado en reiteradas ocasións o seu apoio ao que é o sector económico máis importante para as familias do municipio que conta cunha gran cantidade de produtores de Ternera Gallega Suprema. Tendo en conta que “estes gandeiros están a vivir unha situación complicada debido á suba dos prezos das materias primas coma os pensos e dos custes de produción en xeral que inclúen as subministracións de enerxía; cremos que o Concello debe colaborar para reducir o impacto desta situación aos gandeiros”.
O voceiro, José Luis Regueiro, sinala que “o artigo 74 da Lei Reguladora de Facendas Locais, permite que os Concellos aproben unha bonificación do 95% da cota íntegra do imposto no caso dos inmobles nos que se desenvolvan actividades económicas declaradas de especial interese ou utilidade municipal por concorrer circunstancias sociais, culturais, histórico artísticas ou de fomento de emprego”.
Polo tanto, o Grupo Municipal Popular propuxo levar a cabo esta medida que si pode adoptar o Concello co fin de que os gandeiros “paguen menos impostos polas súas naves e galpóns”. De feito, “outros concellos da provincia coma o do Corgo ou Friol teñen aprobado bonificacións deste tipo en beneficio dos seus veciños”, segundo manifesta Regueiro.
O popular explica que “trala aprobación desta proposta, será necesario que a secretaría elabore informes técnicos que recollan estudios económicos e de viabilidade sobre a modificación deste imposto municipal. Unha vez que se presenten os informes, a alcaldía deberá levar ao pleno unha proposta para ser sometida á súa aprobación”.
ACORDO ADOPTADO NO PLENO
O Pleno da Corporación Municipal de A Fonsagrada solicita o inicio de oficio dun expediente administrativo que promova a modificación inmediata da Ordenanza Fiscal reguladora do Imposto de Bens Inmobles de conformidade co establecido no artigo 74.2 do Texto Refundido da Lei Reguladora de Facendas Locais, Real Decreto Lexislativo 2/2004, de 5 de marzo, para que o Concello regularice as bonificacións potestativas necesarias para establecer unha bonificación do 95% da parte da cota íntegra do imposto relativa a construcións rústicas indispensables para o desenvolvemento das explotacións agrícolas ou gandeiras, previa declaración de especial interese ou utilidade pública municipal por concorrer circunstancias tanto sociais como de fomento de emprego.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
