O proxecto Acelera PEMES conta cun orzamento de medio millón de euros, dos cales o 80% proceden da Unión Europea a través da entidade pública empresarial Red.Es -dependente do Ministerio de Asuntos Económicos e Transformación Dixital-, e o 20% restante apórtaos a propia institución provincial
Lugo, 30 de novembro de 2022. O Presidente da Deputación de Lugo, José Tomé Roca, presidiu no Pazo de San Marcos unha reunión de traballo que marcou o inicio do proxecto Acelera PEMES, a través do que a institución ofrecerá durante dous anos –entre este 2022 e o 2024- soporte e asesoramento de maneira gratuíta ás pequenas e medianas empresas da provincia en materia de transformación dixital.
Na reunión participaron o Deputado de Promoción Económica e Social, Pablo Rivera Cabpón, e os alcaldes da Fonsagrada, Carlos López, e Vilalba, Elba Veleiro -dous dos concellos que acollerán unha oficina móbil de asesoramento-, ademais da xefa de servizo da área provincial de Emprego, Julia Vázquez, e representantes das deputacións de Córdoba, Cáceres, Valencia e Soria, que tamén desenvolven esta iniciativa, cofinanciada con fondos europeos.
O proxecto Acelera PEMES da Deputación de Lugo conta cun orzamento de medio millón de euros, dos cales o 80% (400.000€) proceden da Unión Europea a través da entidade pública empresarial Red.Es -dependente do Ministerio de Asuntos Económicos e Transformación Dixital-, e o 20% restante (100.000€) apórtaos a propia institución provincial.
O obxectivo, explicou o Presidente, “é axudar ás pequenas e medianas empresas a aproveitar os recursos que ofrece a dixitalización e as novas tecnoloxías para modernizar e para mellorar o seu negocio, de maneira que gañen en competitividade, en produtividade, en eficiencia, e para que abran novas oportunidades de negocio. Algo que sempre é importante, pero máis nestes tempos nos que, lamentablemente, o impacto da pandemia vén seguido das consecuencias sociais e económicas da guerra en Ucraína”.
Rede de aceleradoras por toda a provincia
Gracias a esta iniciativa, a Deputación manterá ata o ano 2024 unha rede de oficinas, que contará con 7 traballadores e traballadoras. Co fin de que “sexa útil e de que beneficie ao maior número de empresas posible”, e “tendo en conta as características de alta dispersión da nosa provincia”, haberá unha oficina con sede física na Deputación; outra virtual; e cinco móbiles nos concellos da Fonsagrada, Viveiro, Vilalba, Monforte de Lemos e na comerca de Sarria. Complementariamente haberá 21 aceleradoras adxacentes nas que só existirá un espazo físico para levar a cabo reunións ou encontros.
Desta forma, a Deputación prestará con este proxecto “un asesoramento gratuíto, próximo ás empresas e personalizado, é dicir, adaptado ás características e necesidades de cada negocio”, asegurou o Presidente, quen concretou que poderán participar todas as PEMES que estean interesadas, co único requisito de ter sede física nalgúns dos concellos da provincia de menos de 20.000 habitantes, é dicir, todos menos o da capital, que dispón doutras iniciativas e recursos para ofrecer este tipo de servizos.
Co proxecto Acelera PEMES, a Deputación reforza “o importante labor que estamos facendo para apoiar a economía e os sectores produtivos, unha das liñas de actuación estratéxicas da nosa acción de Goberno, como así reflexan os Orzamentos para o vindeiro ano 2023 que precisamente aprobamos onte no Pleno”. “Se con este tipo de políticas públicas axudamos a fortalecer e diversificar as empresas, estaremos creando novas oportunidades económicas e, polo tanto, de emprego na nosa provincia, sobre todo para o noso rural”, recalcou.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
