Alfoz, 24 de novembro, 2022. O venres, 25 de novembro, está programada unha actividade cos centros educativos do concello, IES Alfoz-Valadouro e CEIP Castro de Ouro, nos xardíns do Concello de Alfoz. Para visibilizar o compromiso contra a violencia de xénero e partindo da proposta do instituto de educación secundaria, cuxo alumnado fará unha andaina ata a Casa Consistorial onde se unirán cos nenos e nenas do colexio ás 12:45h.
Estudantes do IES Alfoz-Valadouro irán nomeando accións e actitudes positivas e negativas segundo as cales se irán arrancando follas dunha margarida de grandes dimensións preparadas polo instituto, co texto “quéreme” ou “non me quere” co fin de destacar e distinguir as relacións sans e igualitarias e aquelas que son “síntoma” de relacións tóxicas, xermen de violencia psíquica e física.
O centro da margarida leva o lema elixido polo concello, “imos rachar co silencio” para promover a conciencia de que todos e todas somos necesarios para previr e evitar situacións de desigualdade e que non debemos calar ante a violencia machista. Unha vez arrancados todos os pétalos da margarida, racharemos o silencio con aplausos e música.
A música correrá a cargo do alumnado do CEIP Castro de Ouro, coa canción “La puerta violeta” de Rozalén que é tamén un canto a esperanza, fundamental para ver que hai saída das situacións de violencia.
Durante toda a fin de semana iluminarase de cor violeta a Casa do Concello.
Ao longo do ano, o concello traballa a prol da igualdade con distintas accións e proxectos.
O pasado fin de semana organizouse o Festival de Cine de Mulleres que tivo unha gran acollida.
O vindeiro sábado 3 de decembro teremos por segunda vez un Curso de Autodefensa para mulleres, a través da Secretaría Xeral de Igualdade, no que se poden inscribir mulleres a partir de 16 anos ata o 1 de decembro.
No IES Alfoz-Valadouro, acaba de colocarse a “escaleira de igualdade”, deseñada polo propio alumnado e profesorado tras a proposta municipal para este proxecto no que pensamos que é fundamental que se impliquen e cuxo resultado é realmente espectacular, tanto polo contido destacando mulleres pioneiras en distintos ámbitos coma no deseño artístico das mesmas. Ademais, precisamente pola implicación e colaboración do centro educativo, nos meses de xaneiro e febreiro levarase a cabo un proxecto de Educación Emocional para todos os cursos en colaboración cos titores e titoras, así como co Departamento de Orientación, pois pensamos que é imprescindible dotar aos máis novos de ferramentas e recursos para coñecerse, valorarse, tratar as emocións e autoestima, etc.
Continuamos elaborando as Axendas Coeducativas, xa por cuarto ano, para todos os niveis educativos, desde infantil ata a universidade, e incluso para a escola de maiores que este ano tamén contan coa súa propia edición.
De xeito directo ou transversal, as políticas de todas as áreas municipais traballan para facer realidade unha sociedade realmente igualitaria.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
