Viveiro, 20 de outubro de 2022. O Concello de Viveiro presentou hoxe o proxecto ‘MAVI’, a Maleta Viaxeira contra a violencia de xénero, unha iniciativa da Subdelegación do Goberno en Lugo que pretende achegar a diferentes colectivos a lectura sobre temas de feminismo, violencia de xénero, empoderamento e autoestima.
O acto de presentación celebrado na Sala Multiusos da Casa da Concello contou coa presenza de Isabel Rodríguez López, subdelegada do Goberno en Lugo; María Loureiro, alcaldesa de Viveiro, e Lara Fernández Fernández -Noriega, concelleira de Cultura e Muller.
“Desgrazadamente, aínda quedan moitos pasos que dar na loita contra a lacra da violencia de xénero e no obxectivo de vivir nunha sociedade igualitaria”, suliñou María Loureiro.
“No Concello de Viveiro temos un compromiso claro neste eido, cunha concelleira de Muller, Lara Fernández Fernández-Noriega, e persoal especializado que traballa cada día no Centro de Servizos Sociais do Concello ou no Centro de Información á Muller”, engadiu.
“Nunca debemos esquecer a responsabilidade que temos as administracións públicas para defender en voz alta e seguir apoiando a presenza das mulleres en todas as esferas da sociedade”, destacou a alcaldesa de Viveiro. “Cómpre seguir pelexando cada día, por exemplo, para eliminar os obstáculos que dificultan a incorporación da muller en condicións de igualdade ao mercado laboral e a súa promoción profesional”, insistiu Loureiro.
Viveiro é a primeira parada deste proxecto que nace para achegar os libros especialmente ás mulleres e ós agresores, ademais doutros colectivos. A Concellería da Muller de Viveiro daralle promoción e difusión o proxecto nos institutos da vila coa intención é que os textos inviten á reflexión, á sensibilización e á concienciación de temas tan determinantes como a violencia sobre a muller, a igualdade, os estereotipos e os roles que estamos a vivir.
“Estamos moi ledos de que a través da Subdelegación do Goberno se poña en marcha esta actividade da ‘Maleta Viaxeira’ que nós ofreceremos aos centros educativos de Secundaria do Concello para que a teñan durante 15 días cada un. Hai que plantar semente alí onde crecen as persoas do futuro e cantas máis ferramentas lles demos para crecer en igualdade, mellor”, afirma Lara Fernández Fernández-Noriega.
A concelleira de Muller de Viveiro recorda, ademais, que se retoma o Club de Lectura en Feminino trala pausa do verán. Coordinado polo Centro de Información á Muller e con Estíbaliz Veiga, representante das Bibliotecas en Igualdade, como mediadora, o Clube inicia unha nova andaina convidando a todas as persoas a apuntarse na Biblioteca Pública Municipal de Viveiro xa sexa a través do seu teléfono (982 57 06 06), presencialmente, ou a través do email do Concello (info@viveiro.es).
“É importante que se poña de manifesto e se visibilice a figura da muller en todos os eidos e sobre todo de mulleres que escriben para que outras teñan mais liberdade. Non hai que esquecer que a liberdade de xénero ten moitos obxectivos ainda que acadar”, remata Lara Fernández Fernández-Noriega.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
