Os veciños da localidade teñen a opción de ir a vacinarse ao centro de saúde, ao PAC de referencia en Ribadeo e aínda se non estiveran en condicións de acudir a estes centros por motivos sanitarios, terían como opción a vacinación a domicilio
Trabada, 21 de outubro de 2022. No pasado pleno do concello de Trabada a alcaldesa, Mayra García, presentou unha moción na que solicitou á Xunta de Galicia a vacinación de maiores de 80 anos no propio centro de saúde de Trabada ou no PAC de referencia. O PP de Trabada abstívose nesta liña, pois “non podemos instar á Xunta a facer algo que xa estan facendo” di o voceiro dos populares, José María Fernández, que calificou de “oportunista e electoralista” esta moción.
Para Fernández, “a alcaldesa quere enganar aos veciños e equere como sempre poñer trabas”. A Xunta de Galicia desde o primeiro momento vacinou nos centros de vacinación masiva e citou a os maiores de 80 anos. A pesar disto, se unha persoa non puidera acudir ao centro de saúde teñen como opción a posibilidade de ser vacinados no PAC de referencia en Ribadeo “no que están vacinando a unhas 90 persoas ao día”. E aínda así, se non puideran movilizarse por enfermidade ou por calquera outro tipo de cuestións, terían a opción de recibir a vacina no propio domicilio.
Desde o grupo municipal popular “queremos criticar o descoñecemento que esta alcaldesa ten da realidade dos veciños de Trabada”. José María Fernández engade que “esta alcaldesa é unha mentirosa e unha auténtica descoñecedora do que acontece no municipio, o único que sabe facer é criticar o traballo da Xunta e intentar deixar en evidencia ao noso grupo municipal”.
Neste sentido, o voceiro destaca que “isto é unha mentira absoluta, a Xunta de Galicia ten un compromiso co noso municipio e ela sabe máis da realidade dos veciños de Lugo ou Foz que é onde se move, que de Trabada, pois nin se quera vive aquí e é do saber popular que está farta”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
