Numerosas persoas asinan en Cervo para a defensa da atención primaria

Cervo, 18 de outubro, 2022. A Plataforma Sanitaria da Mariña desprazouse hoxe ata o consultorio de Cervo para recoller sinaturas en apoio á ILP de medidas extraordinarias para recuperar e fortalecer a atención primaria. A resposta do pobo de Cervo foi extraordinaria, achegándose ata alí numerosas persoas que quixeron amosar o seu apoio á ILP en defensa da atención primaria.

Esta iniciativa precisa da recollida de dez mil sinaturas para poder ser debatida no Parlamento e contempla medidas tan importantes como a dotación de persoas de todas as categorías, garantir a atención presencial ou recuperar as xerencias de primaria propias.

Desde a Plataforma Sanitaria da Mariña agradecen a todas as veciñas e veciños da comarca a boa acollida que están a dar a esta iniciativa, asinando de xeito masivo e superando todas as previsións, que xa de por si eran xenerosas.