A asemblea local da organización vén de elixilo por unanimidade
A Mariña, sábado 29 de outubro 2022. O BNG anuncia oficialmente a Mario Pillado Mon como candidato á alcaldía de Burela para as eleccións municipais de maio de 2023. Así o decidíu unánimemente a asemblea local de Burela e foi ratificado polo consello comarcal da organización nacionalista na Mariña.
Mario Pillado, de 38 anos, enxeñeiro químico e monitor deportivo, actual portavoz municipal do BNG na corporación burelá conta cunha ampla experiencia no eido da política municipal e caracterízase polo rigor no seu traballo diario no concello así como pola fluída interlocución que mantén cos diferentes colectivos e sectores sociais da vila.
Candidatura ampla e representativa para que o BNG lidere o cambio transformador que precisa Burela.
O BNG presentará unha proposta forte para que en Burela se produza o cambio necesario que díe solución ao atraso que un concello de referencia como é Burela vén sufrindo nos últimos anos. En palabras de Mario Pillado “nun momento de crise no que a nosa vila debería liderar A Mariña, vai sempre a remolque, por eso tén que haber un cambio profundo para rachar dunha vez por todas coa falta de planificación imperante neste concello desde hai varios anos, e ese cambio tén que darse nas próximas elección municipais da man do BNG, un cambio transformador coma o que leva adiante o BNG en todos os concellos donde goberna”.
Pillado anuncia tamén que desde a formación nacionalista están traballando nunha candidatura ampla, representativa de todo o pobo con persoas comprometidas co futuro de Burela e coñecedoras da súa realidade.
O candidato está mais convencido ca nunca e con moitas ganas de liderar ese cambio, coller a responsabilidade da xestión e traballar xunto co seu equipo para asegurar un futuro digno que a veciñanza burelá merece.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
