“As actuacións mellorarán a eficiencia enerxética e a sustentabilidade ambiental, reducindo un 35% do consumo de enerxía”, remarcou a subdelegada
A Pontenova, 31 de outubro 2022. A subdelegada do Goberno en Lugo, Isabel Rodríguez, xunto ao alcalde da Pontenova, Darío Campos, supervisou este luns as actuacións que o Ministerio de Transportes, Mobilidade e Axenda Urbana (Mitma) vai financiar con 305.000 euros para melloras na eficiencia enerxética e o acondicionamento das oficinas da Casa do Concello. Estes fondos do Goberno proceden da convocatoria en concorrencia competitiva da Liña 1 do Programa de Impulso á Rehabilitación de Edificios Públicos (PIREP Local), incluído no Plan de Recuperación, Transformación e Resiliencia.
“Estas actuacións amosan o compromiso e sensibilidade do Goberno de España na mellora dos servizos públicos dos concellos do rural” destacou a subdelegada quen sinalou que “o reto demográfico é unha aposta inalienable deste Executivo, por iso seguimos desenvolvendo proxectos que manteñan a actividade nestes municipios, tendo como fin a igualdade de oportunidades e a mellora da calidade de vida da súa veciñanza”.
Durante a visita ás instalacións do Concello da Pontenova, Rodríguez salientou o papel que desempeñan os concellos “para facer as nosas cidades e pobos máis amables e sostibles”. Así, detallou as obras que se realizarán na casa consistorial con cargo a este plan estatal e que estarán rematadas, previsiblemente, a mediados de 2024.
Concretamente, as actuacións consistiran na mellora do illamento térmico da fachada cun panel ríxido de polistireno expandido, a renovación da carpintería exterior, substitución das luminarias existentes de todas as plantas por lámpadas LED de baixo consumo, instalación dunha nova caldeira para a calefacción, así como o repintado de todas as estancias e renovación das baixantes e dos canlóns exteriores.
Estas obras axudarán a mellorar a eficiencia enerxética e a sustentabilidade ambiental, garantindo a redución de máis do 35% do consumo de enerxía primaria non renovable, a accesibilidade, a habitabilidade e a conservación deste edificio público municipal explicou Rodríguez.
Isabel Rodríguez felicitou ao rexedor pola consecución desta axuda, “que é un exemplo de como as administracións poden e deben camiñar da man polo futuro dos pobos e das parroquias de Galicia”.
Máis de 3,2 millóns na provincia
Neste eido, Isabel Rodríguez informou que o Executivo Central destina un investimento total de 3.271.062,96 euros na provincia a proxectos de rehabilitación de locais públicos de titularidade municipal en 7 concellos. Ademais, da Pontenova, son Vilalba, Antas de Ulla, Portomarín, Rábade, Pol e A Fonsagrada.
A subdelegada destacou a repercusión deste plan posto en marcha polo Goberno e “o importante papel que ten para a mellora e recuperación de edificios públicos, beneficiando directamente aos máis de 26.000 veciños e veciñas que viven nestas localidades”.
Ao mesmo tempo, puxo en valor a dimensión social do programa, xa que todos os edificios que se van a rehabilitar no marco desta convocatoria destínanse a uso administrativo, educativo, cultural ou deportivo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
