Rouco explica que “un informe municipal contradí ao alcalde e ao goberno ao recoller que o Concello de Burela non ten capacidade económica para facer fronte ás necesidades da vila”
Burela, 7 de outubro de 2022. O voceiro do Grupo Municipal Popular de Burela, Manuel Rouco, advirte de “atrasos inxustificados na tramitación de diversos asuntos de interese municipal. É o caso da adxudicación do servizo de axuda no fogar (SAF), o inventario municipal -que acumulan máis de ano e medio nos dous casos- ou da remisión da documentación a Augas de Galicia para que se poda executar o colector de auga da fase 1 da Edar que acumula seis meses de atraso. “O goberno local non deixa de arrastrar os pés”, segundo sinala o popular.
Rouco considera que “á vista da escasa capacidade de xestión por parte do goberno local socialista é imposible que o Concello de Burela funcione”. De feito, “a situación é critica” tal e como recolle “o informe de intervención aportado para un dos puntos levado ao pleno ao confirmar o que levamos denunciando dende fai tempo dende o Grupo Municipal Popular de Burela: o Concello de Burela, co goberno socialista á fronte, non ten capacidade económica”. O informe sinala que “a cantidade xerada para inversións é insuficiente para facer fronte ás necesidades inmediatas no noso pobo. E isto contradí o que levan defendendo o señor Llano e os seus concelleiros dende o comezo de mandato”, advirte.
O voceiro sinala que “este xoves o Grupo Municipal Popular puxo en evidencia as numerosas e grandes eivas do goberno local de Burela. Demostrou punto tras punto, a pesar do proceder sistémico do goberno de Llano tratando de ocultar información, que cada vez que o goberno socialista intenta facer algo, líaa” como é o caso do “intento de adxudicación” dun servizo moi necesario como é o servizo de axuda no fogar, que leva xa ano e medio de atraso.
No pleno deste xoves o servizo foi encomendado á quinta empresa da lista das doce que concursaron despois de que “as catro primeiras renunciaran sen ser sancionadas polo Concello, xa que o goberno local non lles requiriu ningún aval para poder concursar, algo que é francamente pouco habitual”. Polo tanto, “o servizo de axuda no fogar sairá 27.000 euros máis caro ao ano ás arcas municipais de Burela”.
Propostas para Burela
O Grupo Municipal Popular de Burela conseguiu sacar adiante a moción en contra da decisión unilateral da UE de vetar a pesca de fondo “e tamén conseguiu, por fin, que o Concello regularizara o uso por parte dunha empresa privada de terreos municipais: a instalación de medición ambiental situada nos terreos da escola de música”.
“Unha vez máis a nosa formación foi a que máis mocións levou ao pleno demostrando que ten propostas para Burela e que é a única alternativa posible para a vila ao goberno socialista”, conclúe Rouco.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
