O Goberno galego reforza a súa aposta pola prevención cunha partida sen precedentes para apoiar ao sector na adopción de medidas que minimicen os danos
Oza-Cesuras (A Coruña), 11 de outubro de 2022. A Xunta de Galicia triplicará o vindeiro ano o orzamento destinado ás axudas para aplicar medidas de protección que eviten ou mitiguen os prexuízos causados polo lobo nas explotacións agrícolas e gandeiras. Deste xeito, a cifra dispoñible ascenderá a 1,9 millóns de euros fronte aos 600.000 euros que reservou o Goberno galego a tal fin na convocatoria deste ano.
Así o anunciou esta mañá en Oza-Cesuras a conselleira de Medio Ambiente, Territorio e Vivenda, Ángeles Vázquez, quen recalcou que se trata dunha contía “sen precedentes” para previr os ataques do lobo en Galicia, un esforzo que enmarcou na aposta da Xunta pola prevención e no seu “apoio” ao sector primario ante o escenario de incerteza xerado polo Goberno central coas súas recentes decisións sobre a xestión desta especie.
Durante a súa visita a unha explotación que en 2021 sufriu un destes ataques e recibiu unha axuda autonómica por importe de case 600 euros, a responsable galega lembrou que coa inclusión do lobo na Lesrpe (Listaxe de especies silvestres en réxime de protección especial), o Ministerio para a Transición Ecolóxica e o Reto Demográfico demostrou descoñecer a realidade das comunidades lobeiras do país, entre elas Galicia, onde o estado de conservación da especie é “favorable” grazas á xestión da Xunta.
Neste sentido, salientou que desde 2017 a cifra de avisos e animais afectados polas incursións do lobo se manteñen estables en Galicia, con máis de 1.200 chamadas ao ano relacionadas con supostos ataques desta especie e máis de 2.000 reses afectadas.
Para contrarrestar estes datos e apoiar ao sector gandeiro na súa convivencia con esta especie silvestre, a conselleira explicou que a Xunta aposta desde hai anos por convocar sucesivas ordes de axudas para paliar os danos que provoca e para adoptar as medidas e accións de protección necesarias co obxectivo de evitar o impacto que teñen estes ataques sobre as explotacións gandeiras.
De feito, só no período 2016-2022 o Goberno galego destinou case 6 millóns de euros a pagar indemnizacións e gastos de prevención e o ano que vén se reservarán 2,5 millóns de euros máis para ambas ordes de axudas.
Galicia, fóra do reparto de fondos do Estado
A pesar do esforzo económico realizado pola Xunta nos últimos anos e do peso que ten a especie no territorio galego, a conselleira lamentou que o Goberno central acabe de confirmar a súa intención de deixar a Galicia fóra do reparto dos 20 millóns de euros reservados nos orzamentos xerais de 2022 para paliar os danos do lobo.
Ao respecto, a conselleira explicou que esta mesma mañá recibiu unha carta do secretario de Estado de Medio Ambiente, Hugo Morán, na que se afirma que se a Comunidade quere recibir parte deses fondos “ten que aceptar” antes a Estratexia nacional do lobo aprobada este verán. “Pero Galicia non pode aceptala porque suporía vender aos gandeiros e incluso vender a biodiversidade”, declarou.
En todo caso, Ángeles Vázquez confirmou que a Xunta seguirá estando “ao carón dos gandeiros”, mobilizando só no eido da prevención un total de 1,9 millóns de euros a través dunha nova convocatoria de axudas que financiarán, entre outros, a adquisición e manutención de cans protectores e defensores do gando, a compra de pastores eléctricos, ou a instalación de cerrumes móbiles de malla electrificada ou de valados.
Neste sentido, tras subliñar que o problema do lobo non afecta só ás grandes comarcas gandeiras galegas senón tamén a municipios cun menor número de explotacións, a conselleira avogou por reforzar a información sobre as axudas que ofrece a Xunta para que cheguen ao maior número de interesados, incidindo en que as accións preventivas son un factor clave para minimizar o impacto dos ataques destes animais, que se sofren “no 90% do territorio galego”.
A modo de exemplo, no concello coruñés de Oza-Cesuras o ano pasado concedéronse catro axudas para paliar os danos causados polo lobo a outras tantas explotacións do municipio —incluída a que visitou hoxe a conselleira— e delas tan só unha pediu tamén axudas para aplicar medidas preventivas sobre a súa propiedade.
Por iso, Ángeles Vázquez aproveitou a visita para animar aos gandeiros da zona e doutros puntos de Galicia a informarse sobre estas subvencións e solicitalas na convocatoria que sacará a Xunta de cara ao vindeiro ano co triplo de orzamento dispoñible que para 2022.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
