Lugo, 10 de outubro de 2022. A subdelegada do Goberno en Lugo, Isabel Rodríguez, mostrouse satisfeita polo descenso da criminalidade no Concello de Mondoñedo, tal e como indican as estatísticas da Garda Civil. Así, explicou que os datos amosan unha tendencia positiva ao reducirse un 51,6% o número de delitos que se produciron no municipio, pasando de 31 infraccións penais no 2019, ano prepandemia, a 16 no 2021. Actualmente, a taxa de criminalidade do municipio é dun 7,76% por mil habitantes, sendo moi inferior á media da provincia e de Galicia.
Rodríguez avanzou que o ano 2021 foi un gran ano en materia de seguridade no concello de Mondoñedo, pois tamén descenderon os delitos leves nun 54% ao pasar de 13 a 6, entre eles os delitos contra as persoas, o patrimonio e a seguridade colectiva.
A subdelegada deu conta da evolución da criminalidade en Mondoñedo na Xunta Local de Seguridade, que copresidiron Isabel Rodríguez, e o alcalde, Manuel Otero, na Casa do Concello e na que tamén participaron representantes da Garda Civil, Subsector de Tráfico, Policía Autonómica e Policía Local.
Violencia de xénero
A subdelegada do Goberno tamén fixo referencia á situación da violencia de xénero neste concello e informou de que entre os meses de xaneiro e agosto deste ano rexistrouse en Mondoñedo 2 denuncias por violencia machista. Esta cifra supón un aumento con respecto ao ano pasado no que houbo 1. Isabel Rodríguez advertiu da importancia de non baixar a garda pola gravidade e a magnitude desta lacra que atenta contra a liberdade e a igualdade entre homes e mulleres. Ademais, destacou que nos tres últimos anos non se produciu ningunha denuncia por quebrantamento.
Seguridade escolar
Isabel Rodríguez fixo referencia tamén ao labor da Garda Civil en materia de seguridade escolar. Neste sentido, detallou que no curso 2020/2021 a Garda Civil impartiu 6 charlas sobre acoso escolar, riscos en Internet e novas tecnoloxías, ciberseguridade e adicción aos videoxogos destinadas ao CEIP Plurilingüe Álvaro Cunqueiro. En canto ao Plan Maior de Seguridade, logo do paréntese aberto pola crise sanitaria, este ano puido celebrarse unha charla no centro sociocultural de Mondoñedo.
Festas das San Lucas
A Xunta Local de Seguridade tamén analizou o dispositivo que se organizará para velar pola seguridade das persoas que se congregarán no municipio con motivo da celebración das tradicionais festas das San Lucas, que este ano se celebran dende o 14 ao 20 de outubro. “Dende o Goberno colaboramos co Concello achegando as forzas de seguridade do Estado para que Mondoñedo conte coas máximas garantías de seguridade nas festas”, informou Rodríguez.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
