Foz, 8 de outubro, 2022. A asociación de familias do alumnado (AFA) do CEIP O Cantel de Foz organiza o “1º Mercadiño Solidario e de 2ª Mao” intitulado “O Cantel Liberando”.
As familias do CEIP O Cantel estiveron liberando as súas casas de libros, xogos, xoguetes e obxectos de decoración, produtos de xente adulta e infantil, para todas as idades e gustos.
O Cantel Liberando terá lugar no recinto do CEIP O Cantel este domingo 9 de outubro entre as 10:00 e as 17:00 horas. É un mercadiño aberto a toda a vila e visitantes que queiran achegarse.
A vertente solidaria deste mercadiño consiste en que o acceso ao mercadiño faise coa doazón e o depósito nos carriños situados na entrada do mercado dun produto para o Banco de Alimentos de Foz. O equipo da AFA coordinouse cos Servizos Sociais do Concello de Foz para poder indicarlle ao público xa na publicidade do mercadiño os produtos que son de maior necesidade neste momento: leite enteiro, aceite de xirasol, atún en conserva, arroz, tomate frito, galletas, azucre, lentellas, xel ou champú.
Ás 12:00 haberá a poxa (subasta) dos mellores produtos que quedarán reservados ata ese momento. E ao remate da poxa teremos música en directo coa actuación da DKBand; un magnífico combo da Escola de Música que interpreta blues, rock e pop rock .
O mercadiño contará cun posto de biscoitos e bebidas quentes.
Ás 16:30 e como colofón do mercadiño realizarase o sorteo de dous vales para unha sesión de Spa (acceso de 1 hora e 30 minutos ao clube e circuíto termal) nun recoñecido Hotel Spa de Vilalba.
A AFA do Cantel vén de renovar o seu equipo e comeza este curso 22/23 con pulo. Co inicio do curso abriron o servizo A madrugar! para axudar á conciliación familiar e o programa “As tardes no Cantel”.
“As tardes do Cantel” inclúen unha serie de novas propostas coma os obradoiros de Pintura Creativa, con Adriana Pardo de “manchArte”, Horta na Escola con Andrea González de “Tropic Gaia”, Robótica con Noelia Castro de “Ciencias Candil”, Break Dance con Jaime Burrell e Ioga con Olalla Martínez. Outra nova proposta das Tardes no Cantel é a intitulada “Montes de Contos n’O Cantel”. Trátase de sesións regulares de animación á lectura preparadas polas familias e dirixidas ás familias, organizadas por ciclos educativos: o 1º mércores do mes a sesión está adicada ás familias de Educación Infantil e denomínase “Pico da Lebre”, o 2º mércores tócalle ao primeiro ciclo da Primaria que forman “A Frouxeira”, o 3º mércores é para “Cornería” que son o segundo ciclo da Primaria, e o terceiro ciclo da primaria conforma o “Alto de Virín”.
Neste trimeste a AFA leva adiante un conxunto de 6 obradoiros relacionados co Medio Ambiente e impartidos na escola por profesionais da ADEGA, e un total de 7 xornadas de visitas a granxas da provincia de Lugo. Estas últimas actividades forman parte do programa da área de Medio Rural da Deputación de Lugo.
A AFA deseñou un plan de Brigadas que busca activar a implicación familiar na vida da escola e crear unha comunidade de apredizaxe activa.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
