Ribadeo, 21 de setembro de 2022. A última xunta de goberno local concedeu licenza para a posta en marcha dunha explotación de kiwis na parroquia de Ove, que ocupará unha superficie de 20 hectáreas. E tamén foi autorizado o acondicionamento dunha edificación en Vilaframil para crear un centro social a través de 2 vivendas comunitaria para 18 persoas. O alcalde, Fernando Suárez, subliñou a seguridade xurídica que o PXOM ofrece a quen quere instalarse en Ribadeo, producir en Ribadeo ou vivir en Ribadeo.
O rexedor comentou: “énchenos de orgullo ver que o noso Ribadeo sigue indo polo bo camiño día a día. Nesta xunta de goberno que celebramos onte, demos as correspondentes autorizacións municipais para unha serie de actuacións moi importantes para o noso concello que se veñen sumar a toda esta restra de iniciativas económicas, empresariais, turísticas, agrícolas e residencias que estamos a ver nos últimos tempos”.
Suárez Barcia explicou que “concretamente, e a modo de resume, porque nunha xunta de goberno hai moitas máis autorizacións de carácter menor, pois demos as licencias para unha explotación de kiwis na parroquia de Ove. Esta importantísima actuación levarase a cabo nuns terreos que superan as 20 hectáreas e cunha inversión moi notable que supera con moito o millón de euros de orzamento antes de impostos. Na tramitación deste expediente contou con todas as autorizacións sectoriais previas. Esta iniciativa, que sen dúbida xerará activade económica continuada, postos de traballo e ademais, poñerá en valor o sector primario para diversificar a economía local e que tamén poida contribuír a fortalecer este sector no noso territorio e especialmente, no momento histórico en que estamos”.
O alcalde contou que “noutra orde de cousas, tamén demos autorización para unha clínica de podoloxía e un negocio de reparación de calzado, ambos os dous na rúa Ramón González así como para a construción dunha nova vivenda unifamiliar na rúa de San Lázaro. E tamén a xunta de goberno local autorizou, logo de contar cos permisos sectoriais previos da Xunta de Galicia, o acondicionamento de edificación para a creación dun centro social a través de dúas vivendas comunitarias para un total de 18 prazas”.
Fernando Suárez engadiu que “a lección que aprendemos de todo isto que vimos informando nestes últimos tempos é debido a importancia do traballo feito nestes anos anteriores para ter os instrumentos de planeamento urbanísticos aprobados, modernos e adaptados ás leis vixentes. Así que Ribadeo conta cun Plan Xeral de Ordenación Municipal e cun específico para o casco vello que contribúen cada día a dar seguridade xurídica e ofrecer posibilidades para instalarse en Ribadeo, producir en Ribadeo ou vivir en Ribadeo, que é do que se trata”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
