Propoñen que instaure un sistema universal de gratuidade de libros de texto semellante ao que estivo en vigor durante os anos de Pérez Touriño, rematar coa política de recortes de persoal e que se explique no Parlamento como empregou os fondos extra de 92 millóns do Estado para reforzar a educación por mor do COVID
Lugo, 24 de setembro de 2022. O Grupo Socialista da Deputación de Lugo demanda ao PP un compromiso real coa educación publica e coas familias lucenses e garanta a gratuidade dos libros de texto para todas as etapas do ensino obrigatorio semellante ao que estivo en vigor durante os anos do Goberno de Pérez Touriño.
O PSdeG defenderá no vindeiro Pleno da Deputación, que se celebrará este martes, unha moción na que propoñen ao Goberno galego rematar coa política de recortes de persoal, nomeadamente no rural. E solicitan tamén que se explique en sede parlamentaria como empregou o PP os fondos extra de 92 millóns do Estado para reforzar a educación por mor do COVID.
Os socialistas lembran que o PP de Feijóo eliminou a gratuidade dos libros, “e fíxoo nun contexto de crise económica que ía golpear con forza ás familias. E hoxe, o PP de Alfonso Rueda opta por manter esa situación nun contexto económico aínda máis complexo. E mentres o Goberno progresista de Pedro Sánchez adopta medidas excepcionais de alivio para as economías familiares como por exemplo co aumento das becas en case un 25% ou a rebaixa das taxas universitarias”, puntualizan.
Dende o PSdeG advirten ademais, que o Goberno do PP recortou en Galicia, nos dous últimos cursos, “1.500 profesores en Galicia (entre os recortes e o despido dos profesores contratados para reforzar as aulas durante a pandemia), e suprimiu 96 prazas docentes en Infantil e Primaria neste curso”.
Recortes na provincia
Os socialistas lucenses aludiron tamén aos recortes en materia educativa nos centros escolares da provincia. “Houbo redución de profesorado no IES de Becerreá coa supresión da materia de Francés; nas Nogais onde se agruparon os nenos de Primaria nun só grupo; en Baamonde a Xunta pechou un colexio con 30 alumnos sen falar con ninguén; en Chantada eliminouse a oferta de ESO e BAC no centro de Val de Asma, e no Lama das Quendas, as presións fixeron desistir do recorte de profesorado; en Vilalba lanzouse un globo sonda para eliminar o bacharelato de adultos no IES Lois Peña Novo, aínda que a consellería rectificou; en Monterroso, a presión popular fixo reducir os recortes inicialmente previstos, pero, en todo caso, recortaron catro profesores”.
Pola contra, dende o PSdeG puxeron en valor a aprobación da lei de Educación LOMLOE, “unha normativa baseada nas competencias, aberta á innovación e ás mellores prácticas con contidos curriculares actualizados, modelos de avaliación modernos e acorde coas evidencias e recomendacións internacionais”.
O gasto medio supera os 400 euros por alumno
O gasto medio da volta ó cole por cada rapaz en idade escolar supera os 400 euros. O prezo medio dos libros de Primaria ronda os 200 euros, mentres que en Secundaria esa cifra supera os 260. Incluíndo todos os gastos do curso, a OCU estima o gasto anual das familias en 2.200 euros por cada neno ou nena, unha cifra que bota por terra a idea da gratuidade da educación obrigatoria.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
