O portavoz popular, Javier Castiñeira, lembra que o aparcadoiro é o máis grande dos do concello e foi acondicionado por iniciativa do anterior goberno local (PP)
Foz, 15 de setembro de 2022. O grupo municipal do PP, como ao longo de todo o mandato, segue no seu labor de oposición unha dobre liña: crítica da xestión do goberno local e propostas para mellorar a calidade de vida dos focenses e dos visitantes. Agora lanza unha nova proposta. O portavoz popular, Javier Castiñeira, explica que “dende o grupo municipal do PP, dentro da liña propositiva que levamos dende a oposición, anunciamos que presentaremos unha moción no próximo pleno da corporación instando tanto ao Concello como a Portos de Galicia a que solucionen o problema do talude e da súa contención na zona do Curbeiro”. Sinala: “É unha zona na que o anterior goberno (PP) acondicionou un aparcadoiro municipal, grazas a un acordo cos propietarios; é o máis grande aparcadoiro municipal e está céntrico. Permite estacionar para desprazarse á zona comercial, moi cerca da avenida de A Mariña, moi cerca tamén do colexio Martínez Otero e do porto, onde se celebra o mercado semanal”.
Os populares din que “é moi necesario resolver ese talude, o que permitiría dar finalidade a Rúa do Curbeiro, que está sen rematar; poderíase facer un segundo acceso para vehículos, non peonil e perigoso como é a día de hoxe”. Engade: “Ese aparcadoiro será moito máis útil con dúas entradas que con só unha como ten hoxe, pola praza Salgado Toimil. Ademais de mellorar a viabilidade melloraría tamén a seguridade viaria na rúa pola que se accede ao porto, que é moi estreita”.
Castiñeira sinala: “Entendemos que é unha obra moi necesaria e por iso queremos involucrar aos afectados: ao Concello, que quere integrar o Camiño do Curbeiro no inventario de camiños públicos e Portos de Galicia que é propietario das parcelas que colindan, onde está a depuradora e a nave de obras do Concello. Esperamos o apoio de todos os grupos, porque é unha obra moi necesaria, que facilitaría a mobilidade no noso concello”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
