Foz, 26 de setembro de 2022. O Concello de Foz presentará este martes, 27 de setembro, o proxecto de arquivo dixital dos fondos históricos documentais dixitalizados previamente polo propio Concello. o acto celebrarase ás 12.00 da mañá no salón de actos da Casa da Cultura focega e estará aberto ao público ata completar aforo.
Este arquivo é un escaparate virtual orientado á posta en valor do patrimonio material e inmaterial do Concello de Foz, que ofrecerá de forma rápida e estructurada unha gran cantidade de información na rede, permitindo localizala de xeito intuitivo e axilizar a localización de datos na páxina web https://arquivoconcellodefoz.com/.
Con esta web póñense a disposición do público multitude de imaxes, vídeos e outro material de diversa orixe e tipoloxía, que permitirán entender e coñecer a evolución e a tradición da historia mariñeira en Foz.
O arquivo dixital do Concello de Foz insírese dentro dun proxecto máis amplo do Concello de Foz para a posta en valor dos seus fondos documentais históricos. Esta acción contou cun orzamento de 16.431,80 euros, financiado integramente polo Grupo de Acción Local do Sector Pesqueiro (GALP) A Mariña-Ortegal, con cargo ao Fondo Europeo Marítimo e de Pesca que xestiona a Consellería do Mar.
O alcalde de Foz, Fran Cajoto, pon en valor un proxecto que nos permitirá conservar “un patrimonio que corría risco de desaparecer. Teño que agradecer ao GALP -e especialmente ao seu presidente, Javier Martínez, e á xerente, Verónica Díaz- a comprensión e a sensibilidade cunha acción que financian integramente. E por suposto a todos os colaboradores, que aportaron multitude de vídeos e fotografías que dende mañá xa poderemos consultar comodamente desde as nosas vivendas. Levan moitos anos de forma desinteresada recompilando a historia de Foz a través da imaxe e sumáronse a un proxecto que é común, de todo un pobo. É un proxecto realmente bonito, ábrenos unha ventá ao pasado mariñeiro de Foz e a moitas vidas de esforzos e traballos”.
A concelleira de Cultura, Inés López, quere tamén agradecer o traballo e esforzo da arquiveira municipal e anunciar que non é un proxecto rematado senón que continúa para facerse máis grande: “queremos que todo o mundo achegue as súas fotografías e vídeos antigos, para poñer en valor a historia do noso Concello e que se estenda máis alá do noso gran pasado mariñeiro. En vindeiras datas -pendentes de concretar- e en colaboración coas asociacións de veciños imos achegarnos a todas as parroquias para dixitalizar fotografías cun ordenador e un escáner portátil. Este é un proxecto de todas e todos, do que nos sentimos ben orgullosos”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
