O CD Burela FS suma a súa primera victoria en liga ante Family Cash Alzira

Debutan con goleada 5-1 en Vista Alegre

Burela, 24 de setembro, 2022. Comezaba o primeiro partido en Vista Alegre para o conxunto laranxa con moita intensidade e executando bo xogo. Terían ao longo do desenvolvemento dos primeiros 20 minuto varias opcións de anotar gol. As máis claras serían un taconazo de Nito que a punto estivo de entrar, e un cabezazo de Pitero que puido significar o primeiro gol do partido. Con todo, habería que esperar ata o minuto 14 para que o CD Burela FS inaugurase o marcador, cun disparo de Pazos colocado á rede. Non lle ía durar a alegría aos locais, porque minutos despois empataría A.Naranjo nunha boa xogada do CD Burela FS. No único descuido nesta primeira parte, ían sufrir gol. Iríase ao descanso finalmente con empate.

Segunda parte na que os laranxas foron superiores. Puxeron todo na pista para levar o partido, e non ía tardar Pazos en poñer por diante ao equipo cunha recuperación de balón que acabaría con disparo e gol. En cuestión de segundos, Pitero anotaría o terceiro para dar máis vantaxe, aproveitando unha segunda xogada e finalizando na portería. O CD Burela FS non cedía nas súas intencións de anotar goles, tería Pazos unha ocasión cun disparo ao pau, e posteriormente o mesmo conseguiría anotar o seu terceiro gol cun disparo raso tras unha asistencia de Isma pisando o balón e servíndolla en bandexa. Sairía nos últimos minutos o Alzira con xogo de cinco, con todo non ían conseguir reducir o marcador. Pitero puido poñer o quinto cunha ocasión clarísima, pero sería Isma o que poñería o definitivo 5-1 cun gol de vaselina tras aproveitarse dun Alzira desposicionado.

Ficha técnica

CD Burela FS: Bruno, Pazos, Lucho, Isma, Rikelme, -Cinco Inicial- Pitero, Nando, Alberto, Antón Arnejo, Nito, Eloy e Kaluza

Family Cash Alzira FS: Joan, Rubi, N. Parreño, Carlitos, J.Peiró, Peloncha, Castejón, Pedro, Sena, A.Naranjo, Gabri, Gustavao

Goles: Min 14 Pazos 1-0; Min 16 A.Naranjo 1-1; Min 22 Pazos 2-1; Min 23 Pitero 3-1; Min 33 Pazos 4-1; Min 38 Isma 5-1.

Equipo arbitral: CALLEJA RUBIO, GARCÍA SCHMID, GUNTÍN GARRIDO, DOVAL RODRÍGUEZ

Incidencias: Partido correspondente á 2ª xornada da Segunda Federación de Fútbol Sala Masculino disputado no pavillón Vista Alegre.