A ofensiva lexislativa do Bloque pide excluír ao sector do artigo 20 da Lei de cambio climático e a transferencia da xestión e ordenación do litoral
Santiago de Compostela, 12 de setembro 2022. A portavoz nacional, Ana Pontón e o deputado Nestor Rego mantiveron un encontro coa dirección de Anfaco-Cecopesca, encabezada por Enrique Vieites, no que abordaron a afectación para o sector mar-industria da Lei de Costas e da Lei do Cambio climático. Precisamente para preservar un sector estratéxico para Galiza, o BNG impulsa no Parlamento unha ofensiva lexislativa cunha dobre proposición de lei que elimine a inseguridade xurídica e as incertezas que está provocando no sector.
A primeira para reclamar a transferencia e xestión da costa, “porque quen mellor coñece o noso litoral somos os galegos e as galegas e porque esa xestión e ordenación hai que facelas atendo á singularidade da nosa costa”, explicou Pontón, quen destacou que “tratar igual o que é diferente é unha discriminación, a realidade do noso mar non é a do Mediterráneo, e iso é algo que parecen non entender cando se toman as decisións nun despacho en Madrid a seiscentos quilómetros”.
A segunda proposición non de lei que avanzou Pontón ten como obxectivo que o sector mar-industria quede excluído da aplicación do artigo 20 da Lei de cambio climático, “porque no caso de Galiza pon en risco moitas actividades económicas que precisan estar na costa”, indicou, tras trasladar todo o apoio do BNG ao sector, co que coincide na demanda de que a normativa debe dar seguridade e certezas.
En todo caso, a líder nacionalista deixou claro que a excepción que propón a súa formación cínguese exclusivamente ao sector mar-industria, non a outras actividades económicas que, como no caso de ENCE, poden desenvolverse fora da liña de costa.
“No Bloque estamos comprometidas coa loita contra o cambio climático pero é perfectamente compatible coas actividades do tecido produtivo mar-industria”, recalcou, solicitando corrixir os aspectos “lesivos” da lei adoptadas sen ter en conta as peculiaridades da costa galega.
A líder nacionalista confía en que as iniciativas lexislativas que propón o BNG conten co apoio unánime da Cámara a favor dun sector que tamén está soportando a crise de prezos e precisa seguridade xurídica fronte a determinadas decisións normativas que impulsa o Goberno do Estado e mudar e facilitar que as empresas podan facer investimentos, crear riqueza e emprego.
“Esperamos a unanimidade e que o apoio de todas as forzas tamén se traslade ao Congreso, porque é unha cuestión central que o que votemos en Galiza sexa o mesmo que despois se vota en Madrid pois é a única forma de defender os nosos intereses e os dun sector clave para o País en termos económicos e de creación de emprego”, concluíu.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
